Lífið

Sons of Anarchy-stjarna látin

Atli Ísleifsson skrifar
William Lucking, til vinstri, í hlutverki Piney í þáttunum Sons of Anarchy.
William Lucking, til vinstri, í hlutverki Piney í þáttunum Sons of Anarchy.

Bandaríski leikarinn William Lucking, sem þekktastur er fyrir hlutverk sitt í þáttunum Sons of Anarchy, er látinn. Hann var áttræður þegar hann lést.

TMZ segir að Lucking hafi andast á heimili sínu í Las Vegas í lok síðasta mánaðar.

Lucking fór með hlutverk Piney Winston í þáttunum Sons of Anarchy sem framleiddir voru á árunum 2008 til 2014.

Auk þess gerði hann garðinn frægan fyrir hlutverk sín í vestranum og spennumyndinni The Magnificent Seven Ride frá árinu 1972 og gaman- og spennumyndinni The Rundown frá árinu 2003. Þá lék hann á móti Faye Dunaway í myndinni Oklahoma Crude á sjöunda áratugnum.

Ekki hefur fengist upp gefið hvað dró Lucking til dauða, en hann lætur eftir sig eiginkonu, tvær dætur, barnabörn og systur.

Andlát Bíó og sjónvarp Bandaríkin


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.