Karlarnir á kafi í byltingarkenndu verkefni Snorri Másson skrifar 22. ágúst 2021 08:01 Hópur metnaðarfullra Flateyinga og góðvina eyjunnar hafa reist slökkvistöð í eynni. Aðsend mynd Það er ekki mikið um nýbyggingar í Flatey, einu eyjunni í Breiðafirði þar sem enn er búseta árið um kring. Á þessari stundu er þó verið að byggja og það er mannvirki sem getur haft mikið að segja um afdrif annarra mannvirkja á svæðinu. Að sögn lesanda Vísis, sem vakti athygli fréttastofu á framkvæmdunum, var stemningin í eyjunni um síðustu helgi ekki ólík því sem gæti þekkst í afskekktu Amish-samfélagi, þar sem karlarnir í þorpinu taka höndum saman og leggja allt í sölurnar fyrir mikilvægt samfélagslegt verkefni. Hamarshöggin ómuðu frá því snemma á laugardagsmorgni og langt fram á sunnudagskvöld. Verkefnið er ný slökkvistöð, sem ábyrgðarmaður segir boða byltingu í eldvörnum í eyjunni. Slökkvistöðin mun leiða til þess að loks verður loks hægt að reiða sig á traktor og haugsugu, sem eru burðarstoðir í fyrstu björgum á staðnum. Slökkvibúnaðurinn fær nú að bíða í viðbragðsstöðu innandyra fullur af vatni, í stað þess að bíða í hirðuleysi úti á túni. Slökkvistöðin mun einnig gegna hlutverki alhliða öryggismiðstöðvar og meðal annars geyma sjúkrabúnað hvers konar.Aðsend mynd Átta hafa lögheimili í Flatey en það er meira í húfi en aðeins heimili þeirra, því eins og þekkt er búa ómetanleg verðmæti í Flatey. Við sögulegt gildi gamla þorpsins bætist að á síðustu árum hefur verið ráðist í endurbætur á nánast hverju einasta húsi í þorpinu. Þau hafa því raunar aldrei verið í betra ástandi og þeim mun meira ríður á að vera undir það versta búinn. Í því skyni verður umræddum slökkvibúnaði komið fyrir í nýju slökkvistöðinni – og svo verða brunaæfingar haldnar fyrir íbúa svo allir geti brugðist við. Átta hafa lögheimili í Flatey að vetri til en mun fleiri dveljast þar að sumri til.Kolbrún Ragna/Wikipedia Allir þurfa að kunna á eldvarnirnar Heimir Sigurðsson, stjórnarmaður í Flateyjarveitum, segir að framkvæmdirnar skipti miklu máli fyrir brunavarnir og öryggismál í Flatey. „Þetta er bylting í brunavörnum, og hugsað sem fyrsta skref í átt að því að hægt sé að bregðast við eldsvoða í Flatey, sem vonandi kemur svo aldrei,“ segir Heimir. Á eins fámennum stað skiptir miklu að bjargirnar séu aðgengilegar öllum. „Sérstaklega inni í þorpi er þetta erfitt. Þar er stutt á milli húsa og og því mikilvægt að geta brugðist hratt við með fyrstu bjargir. Þess vegna þarf þetta að vera einfalt í notkun,“ segir Heimir. Hingað til hafa menn treyst á dælur sem settar hafa verið í brunna eða í sjó en ekki er alltaf hægt að treysta á að nægt vatn sé fyrir hendi eða illa staðið á sjávarföllum. Í Breiðafirði getur munað allt að sex metrum á milli flóðs og fjöru. Framkvæmdin gengið ótrúlega vel Með tilkomu dráttarvélar og haugsugu, sem afkomendur Birgis og Birnu í Bentshúsi gáfu Flateyingum nú í sumar, verður hægt að vinna tíma til að undirbúa aðrar bjargir s.s. vatnsdælur og annað slíkt. Neysluvatn er flutt til Flateyjar með Breiðafjarðarferjunni Baldri en vatnsstaða á hverjum tíma getur verið mismikil og erfitt að treysta á það í slökkvistarfi. Framfarafélagið hefur tekið brunavarnamálin að nokkru leyti í eigin hendur, enda segir Heimir að skilningur ríki á því að lítið sveitarfélag eins og Reykhólahreppur hafi takmörkuð fjárráð. Því sé það samfélagsleg ábyrgð góðvina Flateyjar að afla fjár til svona verka og er það gert í samvinnu við félag sem þegar hefur reist þar vatnsveitu. Karlarnir við steyptan grunninn í upphafi verkefnisins. Staðið hefur til í nokkur ár að Reykhólahreppur byggði slökkistöð í Flatey en af ýmsum ástæðum hefur ekki orðið af því. Húseigendur í Flatey ákváðu í vetur að vinna með hreppnum að koma upp húsinu, að hluta með lántöku sem greiðist til baka með leigu og síðan með sjálfboðavinnu húseigenda og velunnara Flateyjar. Þessi framkvæmd hefur gengið vonum framar og er reiknað með að taka húsið í notkun í haust. Ferjan Baldur Reykhólahreppur Byggðamál Slökkvilið Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Sjá meira
Að sögn lesanda Vísis, sem vakti athygli fréttastofu á framkvæmdunum, var stemningin í eyjunni um síðustu helgi ekki ólík því sem gæti þekkst í afskekktu Amish-samfélagi, þar sem karlarnir í þorpinu taka höndum saman og leggja allt í sölurnar fyrir mikilvægt samfélagslegt verkefni. Hamarshöggin ómuðu frá því snemma á laugardagsmorgni og langt fram á sunnudagskvöld. Verkefnið er ný slökkvistöð, sem ábyrgðarmaður segir boða byltingu í eldvörnum í eyjunni. Slökkvistöðin mun leiða til þess að loks verður loks hægt að reiða sig á traktor og haugsugu, sem eru burðarstoðir í fyrstu björgum á staðnum. Slökkvibúnaðurinn fær nú að bíða í viðbragðsstöðu innandyra fullur af vatni, í stað þess að bíða í hirðuleysi úti á túni. Slökkvistöðin mun einnig gegna hlutverki alhliða öryggismiðstöðvar og meðal annars geyma sjúkrabúnað hvers konar.Aðsend mynd Átta hafa lögheimili í Flatey en það er meira í húfi en aðeins heimili þeirra, því eins og þekkt er búa ómetanleg verðmæti í Flatey. Við sögulegt gildi gamla þorpsins bætist að á síðustu árum hefur verið ráðist í endurbætur á nánast hverju einasta húsi í þorpinu. Þau hafa því raunar aldrei verið í betra ástandi og þeim mun meira ríður á að vera undir það versta búinn. Í því skyni verður umræddum slökkvibúnaði komið fyrir í nýju slökkvistöðinni – og svo verða brunaæfingar haldnar fyrir íbúa svo allir geti brugðist við. Átta hafa lögheimili í Flatey að vetri til en mun fleiri dveljast þar að sumri til.Kolbrún Ragna/Wikipedia Allir þurfa að kunna á eldvarnirnar Heimir Sigurðsson, stjórnarmaður í Flateyjarveitum, segir að framkvæmdirnar skipti miklu máli fyrir brunavarnir og öryggismál í Flatey. „Þetta er bylting í brunavörnum, og hugsað sem fyrsta skref í átt að því að hægt sé að bregðast við eldsvoða í Flatey, sem vonandi kemur svo aldrei,“ segir Heimir. Á eins fámennum stað skiptir miklu að bjargirnar séu aðgengilegar öllum. „Sérstaklega inni í þorpi er þetta erfitt. Þar er stutt á milli húsa og og því mikilvægt að geta brugðist hratt við með fyrstu bjargir. Þess vegna þarf þetta að vera einfalt í notkun,“ segir Heimir. Hingað til hafa menn treyst á dælur sem settar hafa verið í brunna eða í sjó en ekki er alltaf hægt að treysta á að nægt vatn sé fyrir hendi eða illa staðið á sjávarföllum. Í Breiðafirði getur munað allt að sex metrum á milli flóðs og fjöru. Framkvæmdin gengið ótrúlega vel Með tilkomu dráttarvélar og haugsugu, sem afkomendur Birgis og Birnu í Bentshúsi gáfu Flateyingum nú í sumar, verður hægt að vinna tíma til að undirbúa aðrar bjargir s.s. vatnsdælur og annað slíkt. Neysluvatn er flutt til Flateyjar með Breiðafjarðarferjunni Baldri en vatnsstaða á hverjum tíma getur verið mismikil og erfitt að treysta á það í slökkvistarfi. Framfarafélagið hefur tekið brunavarnamálin að nokkru leyti í eigin hendur, enda segir Heimir að skilningur ríki á því að lítið sveitarfélag eins og Reykhólahreppur hafi takmörkuð fjárráð. Því sé það samfélagsleg ábyrgð góðvina Flateyjar að afla fjár til svona verka og er það gert í samvinnu við félag sem þegar hefur reist þar vatnsveitu. Karlarnir við steyptan grunninn í upphafi verkefnisins. Staðið hefur til í nokkur ár að Reykhólahreppur byggði slökkistöð í Flatey en af ýmsum ástæðum hefur ekki orðið af því. Húseigendur í Flatey ákváðu í vetur að vinna með hreppnum að koma upp húsinu, að hluta með lántöku sem greiðist til baka með leigu og síðan með sjálfboðavinnu húseigenda og velunnara Flateyjar. Þessi framkvæmd hefur gengið vonum framar og er reiknað með að taka húsið í notkun í haust.
Ferjan Baldur Reykhólahreppur Byggðamál Slökkvilið Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Sjá meira