Þrjú greindust með veiruna á Sauð­ár­króki

Öll sem greindust í gær voru í sóttkví við einangrun, en alls hafa fjórtán greinst með veiruna þar síðastliðna viku. Í umdæmi lögreglunnar á Norðurlandi vestra eru nú 314 í sóttkví, þar af 256 á Sauðárkróki.

„Á næstu tveim dögum ætti skýrast betur staðan og væntanlega að fækka mikið í sóttkvínni ef að allt gengur upp. Vonum það besta,“ segir í tilkynningunni.

Aðgerðarstjórnin ítrekar reglur um sóttkví og nauðsyn þess að þeim sé fylgt. Til að mynda sé óheimilt að fara í bíltúra á meðan sóttkví stendur.