Nýtt Sportveiðiblað komið út

Drottningarviðtal við Gylfa Sigurðsson knattspyrnumann, já og veiðimann, prýðir blaðið og þar drepur Gylfi nokkrum orðum um veiðiáhugann sem og heimþrá sem að miklu leiti snýst um veiðina. Gylfi er nokkuð öflugur í veiðinni og hefur veitt víða en söknuður hans fellst í því að það sé fátt betra að njóta en útivist og veiði á Íslandi.

Að auki má til dæmis finna skemmtilega frásögn Óla og Maríu í Veiðihorninu en þau hafa ferðast víða um heim til að veiða. Í blaðinu segja þau frá skemmtilegri ferð til Afríku þar sem þau voru að veiða Tigerfish. 

Sportveiðiblaðið hefur þegar verið dreift til áskrifenda og er að finna á öllum helstu sölustöðum.