Hörðustu sóttvarnaaðgerðir sem gripið hefur verið til Heimir Már Pétursson og Elín Margrét Böðvarsdóttir skrifa 24. mars 2021 18:58 Blaðamannafundur ríkisstjórnarinnar vegna hertra sóttvarnaaðgerða í Hörpu í dag. Vísir/Vilhelm Frá og með miðnætti taka gildi hörðustu sóttvarnaaðgerðir sem gripið hefur verið til hér á landi frá upphafi kórónuveirufaraldursins fyrir um ári. Almenn fjöldatakmörkun á mannamótum verður tíu manns og ólíkt aðgerðunum fyrir ári hafa þær nú einnig mikil áhrif á börn og ungmenni. Aftur verður byrjað að bólusetja með AstraZeneca bóluefninu sem þýðir að óbreyttu að á næstu tveimur vikum verður búið að bólusetja alla sjötíu ára og eldri en efnið verður einnig gefið heilbrigðisstarfsfólki. Allar aðgerðir til stuðnings rekstraraðilum og einstaklingum sem gripið hefur verið til undanfarið ár verða framlengdar. „Við verðum bara að bregðast við. Þetta er bara svoleiðis,“ sagði Svandís Svavarsdóttir heilbrigðisráðherra í samtali við fréttastofu þegar hún mætti til aukafundar ríkisstjórnarinnar klukkan eitt í dag og augljóst á henni og öðrum ráðherrum að búast mætti við að stjórnvöld tækju fast og ákveðið í handbremsuna. Það varð síðan raunin á fréttamanna fundi sem hófst í Hörpu klukkan þrjú. Gríðarleg áhrif á skólastarf Lilja Alfreðsdóttir menntamálaráðherra var einnig á blaðamannafundi ríkisstjórnarinnar í dag, enda hafa aðgerðirnar töluverð áhrif á skólastarf. Nú hefur þessi vetur verið ákaflega erfiður fyrir fólk á öllum námsstigum. Kemur til greina að endurskoða að einhverju leyti prófskyldu, námsmat og annað slíkt hvað varðar nám fólks á þessum vetri sem er að líða? „Brotthvarf hefur verið með minnsta móti. Nemendur hafa sýnt gríðarlega seiglu. Kennarar og allt skólasamfélagið og allir sem hafa tekið þátt í þessu. Við munum halda áfram að sýna sveigjanleika,“ svaraði Lilja. Breska afbrigðið komi harðar niður á ungu fólki Heilbrigðisráðherra segir það auðvitað vonbrigði að þessi staða sé komin upp. „Við máttum eiga von á því að þetta gerðist. Það var það sem við vorum alltaf að búa okkur undir. Við vissum að breska afbrigðið var komið vel á skrið í löndunum í kringum okkur. Það er það sem er að koma núna inn í samfélagið og raunar koma harðar niður hjá ungu fólki. þannig að það eru auðvitað vonbrigði, já,“ sagði Svandís. „Í gegnum þetta allt saman lærum við af reynslunni. Ég held að við séum öll sammála um að í haust hefðum við mátt grípa hraðar inn í. Við vorum svolítið að bíða og sjá hvernig þróunin yrði. Núna vitum við betur og núna vitum við að það er skynsamlegt að reyna að ná utan um þetta með hörðum aðgerðum eins hratt og hægt er,“ bætti hún við. Samstaðan fórsætisráðherra ofarlega í huga Katrín Jakobsdóttir forsætisráðherra kveðst gera sér grein fyrir að þetta muni valda mörgum vonbrigðum. „Við erum öll búin að sjá fyrir okkur páskana og alls konar sem við ætluðum að gera þá. En ég veit það líka að Íslendingar hafa sýnt öllum þessum aðgerðum hingað til einstakan skilning og samstöðu. Af því að fólk fylgist vel með og tekur upplýsta afstöðu og veit alveg hvernig þessi veira virkar,“ segir Katrín. Fjármálaráðherra greindi frá því að margar þeirra aðgerða sem stjórnvöld hafa gripið til hingað til verða framlengdar fram á vorið og jafnvel út árið. Bjarni bindur vonir við bólusetningar „Þannig að enginn þurfi að velkjast í vafa um að það sé áfram hægt að treysta á þessar aðgerðir. Við erum sömuleiðis að boða það að gjalddagar sem til dæmis hefðu komið vegna frestaðra skattgreiðslna, sem hefðu komið til sögunnar í sumar, að því verði fleytt áfram í allt að tvö ár. Fleiri slíkar aðgerðir erum við að boða til að bregðast við. Svo skulum við bara muna að bæði hér á landi og í helstu viðskiptalöndum okkar eru bólusetningaráætlanir í gangi sem eru að ganga fram,“ segir Bjarni Benediktsson fjármála- og efnahagsráðherra. Þórólfur lagði til að hefja á ný bólusetningar með AstraZeneca Þórólfur Guðnason sóttvarnalæknir segir aðgerðir stjórnvalda í takti við hans tillögur og hann sé sáttur við að bólusetningar með AstraZeneca hefjist aftur enda gert af frumkvæði hans og landlæknis. „Ástæðan fyrir því að við vildum stöðva tímabundið notkunina á bóluefninu var að við vildum sjá hvort við gætum séð hvaða hópur það væri sem getur örugglega fengið bóluefnið án aukaverkana. Þar sem aukaverkanir eru í lágmarki. Ég held að við séum búin að sjá það og það er í samræmi við niðurstöður annarra erlendis. Ég tel að með því að nota þetta hjá fólki sjötíu ára og eldra séum við algerlega að lágmarka að svona aukaverkun sjáist. Alla vega hefur þeim ekki verið lýst hjá þessum aldurshópi núna það sem af er,“ segir Þórólfur. Fréttin hefur verið uppfærð. Samkomubann á Íslandi Faraldur kórónuveiru (COVID-19) Ríkisstjórn Katrínar Jakobsdóttur Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Fjöldi án rafmagns vegna vonskuveðurs í Noregi Erlent Skipar Ísraelum að hætta að sprengja Erlent Boða íbúafundi vegna mögulegrar sameiningar sveitarfélaganna Innlent Umferðin færist inn á íbúðagötur Innlent Fleiri fréttir Umdeildur brottflutningur vekur ugg innan Samfylkingarinnar Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Sjá meira
Aftur verður byrjað að bólusetja með AstraZeneca bóluefninu sem þýðir að óbreyttu að á næstu tveimur vikum verður búið að bólusetja alla sjötíu ára og eldri en efnið verður einnig gefið heilbrigðisstarfsfólki. Allar aðgerðir til stuðnings rekstraraðilum og einstaklingum sem gripið hefur verið til undanfarið ár verða framlengdar. „Við verðum bara að bregðast við. Þetta er bara svoleiðis,“ sagði Svandís Svavarsdóttir heilbrigðisráðherra í samtali við fréttastofu þegar hún mætti til aukafundar ríkisstjórnarinnar klukkan eitt í dag og augljóst á henni og öðrum ráðherrum að búast mætti við að stjórnvöld tækju fast og ákveðið í handbremsuna. Það varð síðan raunin á fréttamanna fundi sem hófst í Hörpu klukkan þrjú. Gríðarleg áhrif á skólastarf Lilja Alfreðsdóttir menntamálaráðherra var einnig á blaðamannafundi ríkisstjórnarinnar í dag, enda hafa aðgerðirnar töluverð áhrif á skólastarf. Nú hefur þessi vetur verið ákaflega erfiður fyrir fólk á öllum námsstigum. Kemur til greina að endurskoða að einhverju leyti prófskyldu, námsmat og annað slíkt hvað varðar nám fólks á þessum vetri sem er að líða? „Brotthvarf hefur verið með minnsta móti. Nemendur hafa sýnt gríðarlega seiglu. Kennarar og allt skólasamfélagið og allir sem hafa tekið þátt í þessu. Við munum halda áfram að sýna sveigjanleika,“ svaraði Lilja. Breska afbrigðið komi harðar niður á ungu fólki Heilbrigðisráðherra segir það auðvitað vonbrigði að þessi staða sé komin upp. „Við máttum eiga von á því að þetta gerðist. Það var það sem við vorum alltaf að búa okkur undir. Við vissum að breska afbrigðið var komið vel á skrið í löndunum í kringum okkur. Það er það sem er að koma núna inn í samfélagið og raunar koma harðar niður hjá ungu fólki. þannig að það eru auðvitað vonbrigði, já,“ sagði Svandís. „Í gegnum þetta allt saman lærum við af reynslunni. Ég held að við séum öll sammála um að í haust hefðum við mátt grípa hraðar inn í. Við vorum svolítið að bíða og sjá hvernig þróunin yrði. Núna vitum við betur og núna vitum við að það er skynsamlegt að reyna að ná utan um þetta með hörðum aðgerðum eins hratt og hægt er,“ bætti hún við. Samstaðan fórsætisráðherra ofarlega í huga Katrín Jakobsdóttir forsætisráðherra kveðst gera sér grein fyrir að þetta muni valda mörgum vonbrigðum. „Við erum öll búin að sjá fyrir okkur páskana og alls konar sem við ætluðum að gera þá. En ég veit það líka að Íslendingar hafa sýnt öllum þessum aðgerðum hingað til einstakan skilning og samstöðu. Af því að fólk fylgist vel með og tekur upplýsta afstöðu og veit alveg hvernig þessi veira virkar,“ segir Katrín. Fjármálaráðherra greindi frá því að margar þeirra aðgerða sem stjórnvöld hafa gripið til hingað til verða framlengdar fram á vorið og jafnvel út árið. Bjarni bindur vonir við bólusetningar „Þannig að enginn þurfi að velkjast í vafa um að það sé áfram hægt að treysta á þessar aðgerðir. Við erum sömuleiðis að boða það að gjalddagar sem til dæmis hefðu komið vegna frestaðra skattgreiðslna, sem hefðu komið til sögunnar í sumar, að því verði fleytt áfram í allt að tvö ár. Fleiri slíkar aðgerðir erum við að boða til að bregðast við. Svo skulum við bara muna að bæði hér á landi og í helstu viðskiptalöndum okkar eru bólusetningaráætlanir í gangi sem eru að ganga fram,“ segir Bjarni Benediktsson fjármála- og efnahagsráðherra. Þórólfur lagði til að hefja á ný bólusetningar með AstraZeneca Þórólfur Guðnason sóttvarnalæknir segir aðgerðir stjórnvalda í takti við hans tillögur og hann sé sáttur við að bólusetningar með AstraZeneca hefjist aftur enda gert af frumkvæði hans og landlæknis. „Ástæðan fyrir því að við vildum stöðva tímabundið notkunina á bóluefninu var að við vildum sjá hvort við gætum séð hvaða hópur það væri sem getur örugglega fengið bóluefnið án aukaverkana. Þar sem aukaverkanir eru í lágmarki. Ég held að við séum búin að sjá það og það er í samræmi við niðurstöður annarra erlendis. Ég tel að með því að nota þetta hjá fólki sjötíu ára og eldra séum við algerlega að lágmarka að svona aukaverkun sjáist. Alla vega hefur þeim ekki verið lýst hjá þessum aldurshópi núna það sem af er,“ segir Þórólfur. Fréttin hefur verið uppfærð.
Samkomubann á Íslandi Faraldur kórónuveiru (COVID-19) Ríkisstjórn Katrínar Jakobsdóttur Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Fjöldi án rafmagns vegna vonskuveðurs í Noregi Erlent Skipar Ísraelum að hætta að sprengja Erlent Boða íbúafundi vegna mögulegrar sameiningar sveitarfélaganna Innlent Umferðin færist inn á íbúðagötur Innlent Fleiri fréttir Umdeildur brottflutningur vekur ugg innan Samfylkingarinnar Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Sjá meira