Rauðvín og klakar: Steindi og félagar spila inn í nóttina

Tinni Sveinsson skrifar 11. mars 2021 19:00

Þátturinn Rauðvín og klakar er sýndur á Stöð 2 Esport á fimmtudagskvöldum.

Þátturinn Rauðvín og klakar snýr aftur á Stöð 2 Esport klukkan 21 í kvöld en þar spilar Steinþór Hróar Steinþórsson tölvuleiki með góðum vinum sínum.

Áhorfendur geta fylgst með í gegnum Stöð 2 Esport og einnig hér á Vísi og Twitch.

Streymi Steinda og félaga á Twitch er stærsta íslenska leikjarstreymið landsins og hafa þeir félagar staðið fyrir flugeldasýningu öll fimmtudagskvöld klukkan 21.

Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna á Twitch en þeir félagar spila í rauntíma.

Hægt er að horfa á beina útsendingu Stöðvar 2 Esport í spilaranum hér fyrir neðan. Á undan þætti Steinda fara fram Framhaldsskólaleikar Rafíþróttasamtaka Íslands þar sem Verzlunarskólinn mætir Borgarholtsskóla og Menntaskólinn við Hamrahlíð mætir Verkmenntaskólanum á Akureyri. Ef keppni dregst byrja Steindi og félagar aðeins seinna.

Rafíþróttir Rauðvín og klakar