Rafrænar kosningar til stjórnar SVFR

Aðalfundur Stangaveiðifélags Reykjavíkur fer fram 25. febrúar og kosning til stjórnarsetu og fulltrúaráðs er þegar hafin.

Í ljósi aðstæðna verður kosningin rafræn er samþykkt fékkst fyrir því á síðasta aðalfundi. Þrátt fyrir að þetta sé gert núna vegna Covid er þetta líklega og nauðsynlega fyrir félagið framtíðin varðandi fyrirkomulag kosninga. Nauðsynin í framkvæmdinni snýr að því að fá sem flesta félagsmenn til að greiða atkvæði en undanfarin ár hefur stjórn félagsins setið í umboði mjög fárra félagsmanna eða eins og á síðasta aðalfundi einhverstaðar á milli 100 og 200 manns. 

Alls eru fimm í framboði til stjórnar en kosið er um þrjú sæti. Samhliða kosningu í stjórn félagsins er kosið í fulltrúaráð um fimm sæti en þar eru sjö manns í framboði en voru átta, eitt framboðið var dregið til baka. Kosningu lýkur á morgun 24. febrúar svo það er um að gera fyrir félagsmenn að drífa sig í að kjósa sem fyrst. Til að kjósa getur þú smellt á þennan link.