Íslenskur spurningaleikur í beinni lífgar upp á samkomubannið Sylvía Hall skrifar 2. apríl 2020 08:00 Spurningaleikurinn HAX hefur verið í þróun í einhvern tíma en þegar samkomubannið skall á var ákveðið að gefa hann út. Notendur fá svo tilkynningu um hvenær næsti leikur verður spilaður. Vísir/Sylvía Nýr íslenskur spurningaleikur hefur litið dagsins ljós þar sem notendur geta tekið þátt í spurningaleik í beinni í gegnum símann þar sem keppt er um vegleg verðlaun. Spurningaleikurinn heitir HAX og þarf einfaldlega að sækja app til þess að taka þátt. Einn þeirra sem stendur að spurningaleiknum er tónlistarmaðurinn Jón Jónsson. Hann segist ekki vita mikið um forritun og hafi því lítið haft með þann hluta að gera, en komi þó að spurningagerð og að tryggja það að leikurinn sé fyrst og fremst skemmtilegur. Í samtali við Vísi segir Jón leikinn hafa verið í þróun í svolítinn tíma, en hann hefur unnið að leiknum með Völu Halldórsdóttur „frumkvöðladrottningu“ eins og Jón orðar það, ásamt forriturunum Elvari Þormar og Alexander Lúðvígssyni. Leikurinn hafi verið í lokuðum prófunum upp á síðkastið en þegar samkomubannið skall á hafi verið ákveðið að keyra ferlið í gang og reyna þannig að stytta landsmönnum stundir. „Fólk þarf á allri upplyftingu að halda núna. Maður finnur það alveg að fólk er peppað í stemmara en Ísland er líka þekkt fyrir að hafa gaman af spurningaleikjum,“ segir Jón, sem er spyrill leiksins. Hann er enginn nýgræðingur í spurningakeppnum enda sá hann um Fjörskylduna á RÚV. Jón Jónsson spyr keppendur spurninga í leiknum, sem hann lofar að séu skemmtilegar og ættu flestir að geta spreytt sig á þeim.HAX Leikurinn virkar þannig að notendur fá tilkynningu um næsta leik. Því eigi fólki ekki að bregða þó appið sé nokkuð tómlegt við fyrstu skoðun, enda sé ekkert í gangi fyrr en leikar hefjast. Fyrsti leikurinn var í síðustu viku og gekk hann vonum framar. Um sjö hundruð manns tóku þátt og segir Jón stefnuna vera setta á að sem flestir taki þátt, enda sé það lang skemmtilegast þannig. Næsti leikur fer fram í kvöld klukkan 21 og hvetur Jón alla til þess að sækja appið og taka þátt. Sigurvegarinn annað kvöld hlýtur 50 þúsund krónur í sinn hlut. Að sögn Jóns þarf fólk þó ekki að leggjast í mikla undirbúningsvinnu þar sem spurningarnar séu hugsaðar þannig að sem flestir geti tekið þátt. „Þetta er smá svona bleiki flokkurinn í Trivial Pursuit og spurningar um það sem er að gerast núna. Ég er ekki að fara að spyrja um höfuðborgina í Kazakhstan.“ Samkomubann á Íslandi Tækni Mest lesið „Grínast oft með að ég gaf honum um ellefu ár til að hætta við“ Lífið Að eiturefnum sé dreift úr flugvélum yfir fólk Lífið „Strákar verða að sýna tilfinningar“ Lífið „Ekkert gengið að casha út á pabba“ Menning Nefndirnar sem smíða orðin: Lýðnetið víkur fyrir internetinu og þjarki fyrir bóta Lífið Af hverju er hvítasunnan haldin hátíðleg? Lífið Amatörar, hvalfirskur bóndi og barátta við borgina verðlaunuð Bíó og sjónvarp „Ertu kannski Íslendingur?“ Lífið Æskuvinir láta drauminn rætast og opna veitingastaðinn Héðinn Matur Stálheppinn viðskiptavinur N1 vann frítt flug í heilt ár með PLAY Lífið samstarf Fleiri fréttir Myrkur Games birta fyrstu stiklu Echoes of the End Hvað í ósköpunum gerði James Bond á Íslandi? GameTíví: Taka dýfuna til að bjarga Ofurjörð GameTíví: Einhentir ræningjar í rugli GTA 6 velti Deadpool og Wolverine úr sessi Svífa um á bleiku skýi í GameTíví Oblivion Remastered: Nostalgían lifir góðu lífi Biðin langa: Rúmt ár í herlegheitin Sjá meira
Nýr íslenskur spurningaleikur hefur litið dagsins ljós þar sem notendur geta tekið þátt í spurningaleik í beinni í gegnum símann þar sem keppt er um vegleg verðlaun. Spurningaleikurinn heitir HAX og þarf einfaldlega að sækja app til þess að taka þátt. Einn þeirra sem stendur að spurningaleiknum er tónlistarmaðurinn Jón Jónsson. Hann segist ekki vita mikið um forritun og hafi því lítið haft með þann hluta að gera, en komi þó að spurningagerð og að tryggja það að leikurinn sé fyrst og fremst skemmtilegur. Í samtali við Vísi segir Jón leikinn hafa verið í þróun í svolítinn tíma, en hann hefur unnið að leiknum með Völu Halldórsdóttur „frumkvöðladrottningu“ eins og Jón orðar það, ásamt forriturunum Elvari Þormar og Alexander Lúðvígssyni. Leikurinn hafi verið í lokuðum prófunum upp á síðkastið en þegar samkomubannið skall á hafi verið ákveðið að keyra ferlið í gang og reyna þannig að stytta landsmönnum stundir. „Fólk þarf á allri upplyftingu að halda núna. Maður finnur það alveg að fólk er peppað í stemmara en Ísland er líka þekkt fyrir að hafa gaman af spurningaleikjum,“ segir Jón, sem er spyrill leiksins. Hann er enginn nýgræðingur í spurningakeppnum enda sá hann um Fjörskylduna á RÚV. Jón Jónsson spyr keppendur spurninga í leiknum, sem hann lofar að séu skemmtilegar og ættu flestir að geta spreytt sig á þeim.HAX Leikurinn virkar þannig að notendur fá tilkynningu um næsta leik. Því eigi fólki ekki að bregða þó appið sé nokkuð tómlegt við fyrstu skoðun, enda sé ekkert í gangi fyrr en leikar hefjast. Fyrsti leikurinn var í síðustu viku og gekk hann vonum framar. Um sjö hundruð manns tóku þátt og segir Jón stefnuna vera setta á að sem flestir taki þátt, enda sé það lang skemmtilegast þannig. Næsti leikur fer fram í kvöld klukkan 21 og hvetur Jón alla til þess að sækja appið og taka þátt. Sigurvegarinn annað kvöld hlýtur 50 þúsund krónur í sinn hlut. Að sögn Jóns þarf fólk þó ekki að leggjast í mikla undirbúningsvinnu þar sem spurningarnar séu hugsaðar þannig að sem flestir geti tekið þátt. „Þetta er smá svona bleiki flokkurinn í Trivial Pursuit og spurningar um það sem er að gerast núna. Ég er ekki að fara að spyrja um höfuðborgina í Kazakhstan.“
Samkomubann á Íslandi Tækni Mest lesið „Grínast oft með að ég gaf honum um ellefu ár til að hætta við“ Lífið Að eiturefnum sé dreift úr flugvélum yfir fólk Lífið „Strákar verða að sýna tilfinningar“ Lífið „Ekkert gengið að casha út á pabba“ Menning Nefndirnar sem smíða orðin: Lýðnetið víkur fyrir internetinu og þjarki fyrir bóta Lífið Af hverju er hvítasunnan haldin hátíðleg? Lífið Amatörar, hvalfirskur bóndi og barátta við borgina verðlaunuð Bíó og sjónvarp „Ertu kannski Íslendingur?“ Lífið Æskuvinir láta drauminn rætast og opna veitingastaðinn Héðinn Matur Stálheppinn viðskiptavinur N1 vann frítt flug í heilt ár með PLAY Lífið samstarf Fleiri fréttir Myrkur Games birta fyrstu stiklu Echoes of the End Hvað í ósköpunum gerði James Bond á Íslandi? GameTíví: Taka dýfuna til að bjarga Ofurjörð GameTíví: Einhentir ræningjar í rugli GTA 6 velti Deadpool og Wolverine úr sessi Svífa um á bleiku skýi í GameTíví Oblivion Remastered: Nostalgían lifir góðu lífi Biðin langa: Rúmt ár í herlegheitin Sjá meira