Hugmyndin kviknaði vegna innilokunarkenndar í samkomubanni Sylvía Rut Sigfúsdóttir skrifar 24. mars 2020 16:00 Rakel Tómas segir að það sé mikilvægt að einangra sig ekki á tímum sem þessum. Hún tengist sínum fylgjendum mikið í gegnum samfélagsmiðla. Mynd/Tara Tjörvadóttir Listakonan Rakel Tómasdóttir, betur þekkt sem Rakel Tómas, setti af stað litaáskorun í samkomubanninu sem vakið hefur verðskuldaða athygli. Rakel birtir daglega myndir af nýjum verkum og fylgja margir aðrir sama þema og sýna eigin verk á samfélagsmiðlum. Hún segir að þetta sé tækifæri fyrir fólk til að skapa eitthvað saman án þess að vera í sama rými. „Ég hef verið að teikna síðan ég man eftir mér, en á menntaskólaárunum fór ég að taka því alvarlega. Árið 2017 byrjaði ég að teikna í þeim stíl sem ég er orðin þekkt fyrir í dag og hef verið að þróa hann áfram síðan þá,“ segir Rakel í samtali við Vísi. Forsaga málsins er sú að Rakel er þekkt fyrir að vinna með svarta liti og gráa tóna í verkum sínum. Hún ákvað að taka sig á á meðan samkomubanninu stendur og gera litaverk á hverjum degi. Margir hafa stokkið á þessa hugmynd og birtast myndirnar á samfélagsmiðlum merktar #Litasamkoma. teikningar/rakel tómas Tilfinningar sem erfitt er að koma í orð „Ég reyni að hugsa ekki of mikið um innblástur eða áhrif á meðan ég vinn myndirnar. Ég sé þetta þannig að mitt hlutverk er að skoða sem mest, fara á söfn, lesa, ferðast, upplifa nýja hluti og leyfa svo líkamanum og undirmeðvitundinni að vinna úr upplýsingunum og koma þeim á blað,“ segir Rakel um innblásturinn á bak við hennar teikningar. „Í verkunum mínum vinn ég með kvenlíkamann, brýt hann upp á súrrealískan hátt og leitast við að túlka tilfinningar sem ég kem ekki í orð. Ég teikna myndirnar vanalega með blýanti, kolum og stundum bleki, en núna undanfarna daga hef ég verið að prófa mig áfram með liti.“ Í langan tíma hefur Rakel ætlað sér að ná betri tökum á litum. „Aðallega af því ég held að það muni opna fleiri möguleika og gera mér kleift að skapa fjölbreyttari verk. Ég hef oft byrjað að nota til dæmis tréliti eða olíumálningu en alltaf farið aftur í svart/hvítt því það er innan þægindarammans. Mér líður næstum eins og ég sé að fara nokkur ár aftur í tímann í hæfni þegar ég nota liti þannig það getur reynt á þolinmæðina. Það tekur auðvitað æfingu og tíma að ná almennilegum tökum á nýjum aðferðum og það er mikil hvatning að hafa fleiri með mér í þessu ferli.“ Teikningar/rakel tómas Gott fyrir andlegu hliðina að teikna Rakel segir að áframhaldandi áhrifin af áskoruninni á hennar stíl eigi bara eftir að koma í ljós. „Mig langar að halda áfram að hafa kvenlíkamann í aðalhlutverki í verkunum mínum, en það er það eina sem ég veit núna. Upphaflega var ekki planið að selja verkin sem ég geri í Litasamkomunni, en eftir að hafa fengið þónokkrar fyrirspurnir um þær að þá kemur það alveg til greina. Ætli ég selji ekki þær myndir sem ég verð ánægð með en í grunninn eru þetta bara æfingar og tilraunir.“ Nú þegar hefur Rakel birt myndir af fjölda listaverka í lit sem má sjá á Instagram síðu hennar. „Hugmyndin af Litasamkomunni kviknaði út frá smá innilokunarkennd í kjölfar samkomubannsins. Faraldurinn og aðgerðirnar tengdar honum hafa áhrif á okkur öll og mig langaði að gera eitthvað jákvætt í þessu ástandi. Litasamkoman er tækifæri fyrir okkur til að skapa eitthvað saman án þess að vera í sama rými. Það hjálpar andlegu hliðinni minni að teikna og á þessum erfiðu tímum er mikilvægt að við pössum vel uppá hana. Ég vona að þetta hvetji fólk til að opna á sína listrænu hlið, það er svo ótrúlega gott fyrir sálina að skapa." Rakel Tómas hefur vakið mikla athygli fyrir dagbækur sínar og falleg listaverk af konum og kvenlíkamanum.Mynd/Tara Tjörvadóttir Það geta allir tekið þátt og hver og einn teiknar eða málar í eigin stíl. „Litasamkoman virkar þannig að ég skipti vikunum eftir þema og hver dagur er svo með mismunandi orð innan þemans. Til að taka þátt þá teiknar þú mynd út frá orði dagsins og deilir henni á Instagram með millumerkinu #litasamkoma og merkir mig @rakeltomas þannig ég geti deilt í mínu story á Instagram.“ Í lok dagsins er svo hægt að skoða ótrúlega fjölbreytta túlkun frá mismunandi aðilum á sama orðinu. Margir eru byrjaðir að deila eigin teikningum og málverkum á Instagram undir millumerkinu litasamkomaMynd/Tara Tjörvadóttir Byrjendur jafnt sem fagmenn „Fyrstu vikuna langaði mig að vinna með landslag svo ég valdi frekar opin orð tengd því. Í þessari viku valdi ég lög eftir íslenskt tónlistarfólk, með þeim tilgangi að teikna eftir túlkun á hverju lagi fyrir sig. Næstu tvær vikur fá svo að koma í ljós.“ Rakel segir að viðbrögðin hafi verið vonum framar. „Það er mjög gaman hversu margir eru að taka þátt og það er mjög gaman að sjá öll þessi ólíku verk sem eiga samt öll eitthvað sameiginlegt. Þeir sem eru að taka þátt eru á öllum stigum, allt frá byrjendum til atvinnu teiknara. Það er öllum velkomið að taka þátt.“ Hún hvetur fólk til þess að nota samfélagsmiðla í samskipti á meðan samkomubanninu stendur. „Það er svo mikilvægt að við nýtum okkur tæknina á tímum sem þessum til að tengjast og komast aðeins nær hvort öðru. Það er auðvelt að einangrast og það að gera eitthvað saman í gegnum samfélagsmiðla getur munað miklu. Við erum öll í þessu saman.“ Áhugasamir geta fylgst með Rakel á Instagram. Menning Faraldur kórónuveiru (COVID-19) Samkomubann á Íslandi Mest lesið Dóri DNA og Magnea greiddu 126 milljónir fyrir einbýli í Skerjafirði Lífið Fengu aðstoð frá heimamanni: „Þannig að við séum ekki eins og hauslausar hænur“ Lífið Hafði ekki hugmynd um að einstakt hjól sitt væri týnt Lífið Segir föður sinn hafa verið við hestaheilsu Lífið Spila í fyrsta sinn á Þjóðhátíð Lífið „Frelsi til að gera allt sem þig langar til“ Tónlist Bjössi og Dísa skáluðu í nýja húsinu Lífið Lada Sport okkar tíma Lífið samstarf Hlátrasköll og bongótrommur á forsýningu Alheimsdraumsins Lífið Avowed: Í senn hefðbundinn og framúrskarandi hlutverkaleikur Leikjavísir Fleiri fréttir Hafði ekki hugmynd um að einstakt hjól sitt væri týnt Dóri DNA og Magnea greiddu 126 milljónir fyrir einbýli í Skerjafirði Spila í fyrsta sinn á Þjóðhátíð Fengu aðstoð frá heimamanni: „Þannig að við séum ekki eins og hauslausar hænur“ Segir föður sinn hafa verið við hestaheilsu Hlátrasköll og bongótrommur á forsýningu Alheimsdraumsins Mamma Gurru gríss gýtur í sumar Sepultura bætist við þéttsetið þungarokkssumar Bjössi og Dísa skáluðu í nýja húsinu Alheimsdraumurinn: Sveppa tókst það sem Pétri tókst ekki Katy Perry fer út í geim Pétur og Elísabet tóku fallegt parhús í 101 í gegn Vatnsdeigsbollur með Dúbaí-fyllingu: „Þið verðið að prófa“ Var farin að fá kvíðaköst þegar dóttirin bað um að fara í göngutúra Hugsi yfir reynslulausum sérfræðingum Gene Hackman og eiginkona hans fundust látin Einföld ráð fyrir glæsilegra heimili „Ég tala ekki einu sinni um þetta við vini mína“ Ása Steinars á von á barni Ástin blómstraði í karókí Michelle Trachtenberg er látin Kjósa ekki Fiennes heldur Brody vegna misskilnings Öllu tjaldað til í sjö ára afmæli Chicago Halla og Bjössi í Mottumars sokkunum í fyrsta sinn Steinhissa en verður Dumbledore Fluttu með alla fjölskylduna til Tene: „Nenni ekki að vera í þessari typpakeppni“ „Hann kann að dansa, maður minn!“ Skuggavaldið: Samsæriskenningum aldrei verið beitt svona áður Segir hlutverkið hafa bjargað lífi sínu Stöðugt spurðir hvers vegna þeir ættleiddu ekki bara Sjá meira
Listakonan Rakel Tómasdóttir, betur þekkt sem Rakel Tómas, setti af stað litaáskorun í samkomubanninu sem vakið hefur verðskuldaða athygli. Rakel birtir daglega myndir af nýjum verkum og fylgja margir aðrir sama þema og sýna eigin verk á samfélagsmiðlum. Hún segir að þetta sé tækifæri fyrir fólk til að skapa eitthvað saman án þess að vera í sama rými. „Ég hef verið að teikna síðan ég man eftir mér, en á menntaskólaárunum fór ég að taka því alvarlega. Árið 2017 byrjaði ég að teikna í þeim stíl sem ég er orðin þekkt fyrir í dag og hef verið að þróa hann áfram síðan þá,“ segir Rakel í samtali við Vísi. Forsaga málsins er sú að Rakel er þekkt fyrir að vinna með svarta liti og gráa tóna í verkum sínum. Hún ákvað að taka sig á á meðan samkomubanninu stendur og gera litaverk á hverjum degi. Margir hafa stokkið á þessa hugmynd og birtast myndirnar á samfélagsmiðlum merktar #Litasamkoma. teikningar/rakel tómas Tilfinningar sem erfitt er að koma í orð „Ég reyni að hugsa ekki of mikið um innblástur eða áhrif á meðan ég vinn myndirnar. Ég sé þetta þannig að mitt hlutverk er að skoða sem mest, fara á söfn, lesa, ferðast, upplifa nýja hluti og leyfa svo líkamanum og undirmeðvitundinni að vinna úr upplýsingunum og koma þeim á blað,“ segir Rakel um innblásturinn á bak við hennar teikningar. „Í verkunum mínum vinn ég með kvenlíkamann, brýt hann upp á súrrealískan hátt og leitast við að túlka tilfinningar sem ég kem ekki í orð. Ég teikna myndirnar vanalega með blýanti, kolum og stundum bleki, en núna undanfarna daga hef ég verið að prófa mig áfram með liti.“ Í langan tíma hefur Rakel ætlað sér að ná betri tökum á litum. „Aðallega af því ég held að það muni opna fleiri möguleika og gera mér kleift að skapa fjölbreyttari verk. Ég hef oft byrjað að nota til dæmis tréliti eða olíumálningu en alltaf farið aftur í svart/hvítt því það er innan þægindarammans. Mér líður næstum eins og ég sé að fara nokkur ár aftur í tímann í hæfni þegar ég nota liti þannig það getur reynt á þolinmæðina. Það tekur auðvitað æfingu og tíma að ná almennilegum tökum á nýjum aðferðum og það er mikil hvatning að hafa fleiri með mér í þessu ferli.“ Teikningar/rakel tómas Gott fyrir andlegu hliðina að teikna Rakel segir að áframhaldandi áhrifin af áskoruninni á hennar stíl eigi bara eftir að koma í ljós. „Mig langar að halda áfram að hafa kvenlíkamann í aðalhlutverki í verkunum mínum, en það er það eina sem ég veit núna. Upphaflega var ekki planið að selja verkin sem ég geri í Litasamkomunni, en eftir að hafa fengið þónokkrar fyrirspurnir um þær að þá kemur það alveg til greina. Ætli ég selji ekki þær myndir sem ég verð ánægð með en í grunninn eru þetta bara æfingar og tilraunir.“ Nú þegar hefur Rakel birt myndir af fjölda listaverka í lit sem má sjá á Instagram síðu hennar. „Hugmyndin af Litasamkomunni kviknaði út frá smá innilokunarkennd í kjölfar samkomubannsins. Faraldurinn og aðgerðirnar tengdar honum hafa áhrif á okkur öll og mig langaði að gera eitthvað jákvætt í þessu ástandi. Litasamkoman er tækifæri fyrir okkur til að skapa eitthvað saman án þess að vera í sama rými. Það hjálpar andlegu hliðinni minni að teikna og á þessum erfiðu tímum er mikilvægt að við pössum vel uppá hana. Ég vona að þetta hvetji fólk til að opna á sína listrænu hlið, það er svo ótrúlega gott fyrir sálina að skapa." Rakel Tómas hefur vakið mikla athygli fyrir dagbækur sínar og falleg listaverk af konum og kvenlíkamanum.Mynd/Tara Tjörvadóttir Það geta allir tekið þátt og hver og einn teiknar eða málar í eigin stíl. „Litasamkoman virkar þannig að ég skipti vikunum eftir þema og hver dagur er svo með mismunandi orð innan þemans. Til að taka þátt þá teiknar þú mynd út frá orði dagsins og deilir henni á Instagram með millumerkinu #litasamkoma og merkir mig @rakeltomas þannig ég geti deilt í mínu story á Instagram.“ Í lok dagsins er svo hægt að skoða ótrúlega fjölbreytta túlkun frá mismunandi aðilum á sama orðinu. Margir eru byrjaðir að deila eigin teikningum og málverkum á Instagram undir millumerkinu litasamkomaMynd/Tara Tjörvadóttir Byrjendur jafnt sem fagmenn „Fyrstu vikuna langaði mig að vinna með landslag svo ég valdi frekar opin orð tengd því. Í þessari viku valdi ég lög eftir íslenskt tónlistarfólk, með þeim tilgangi að teikna eftir túlkun á hverju lagi fyrir sig. Næstu tvær vikur fá svo að koma í ljós.“ Rakel segir að viðbrögðin hafi verið vonum framar. „Það er mjög gaman hversu margir eru að taka þátt og það er mjög gaman að sjá öll þessi ólíku verk sem eiga samt öll eitthvað sameiginlegt. Þeir sem eru að taka þátt eru á öllum stigum, allt frá byrjendum til atvinnu teiknara. Það er öllum velkomið að taka þátt.“ Hún hvetur fólk til þess að nota samfélagsmiðla í samskipti á meðan samkomubanninu stendur. „Það er svo mikilvægt að við nýtum okkur tæknina á tímum sem þessum til að tengjast og komast aðeins nær hvort öðru. Það er auðvelt að einangrast og það að gera eitthvað saman í gegnum samfélagsmiðla getur munað miklu. Við erum öll í þessu saman.“ Áhugasamir geta fylgst með Rakel á Instagram.
Menning Faraldur kórónuveiru (COVID-19) Samkomubann á Íslandi Mest lesið Dóri DNA og Magnea greiddu 126 milljónir fyrir einbýli í Skerjafirði Lífið Fengu aðstoð frá heimamanni: „Þannig að við séum ekki eins og hauslausar hænur“ Lífið Hafði ekki hugmynd um að einstakt hjól sitt væri týnt Lífið Segir föður sinn hafa verið við hestaheilsu Lífið Spila í fyrsta sinn á Þjóðhátíð Lífið „Frelsi til að gera allt sem þig langar til“ Tónlist Bjössi og Dísa skáluðu í nýja húsinu Lífið Lada Sport okkar tíma Lífið samstarf Hlátrasköll og bongótrommur á forsýningu Alheimsdraumsins Lífið Avowed: Í senn hefðbundinn og framúrskarandi hlutverkaleikur Leikjavísir Fleiri fréttir Hafði ekki hugmynd um að einstakt hjól sitt væri týnt Dóri DNA og Magnea greiddu 126 milljónir fyrir einbýli í Skerjafirði Spila í fyrsta sinn á Þjóðhátíð Fengu aðstoð frá heimamanni: „Þannig að við séum ekki eins og hauslausar hænur“ Segir föður sinn hafa verið við hestaheilsu Hlátrasköll og bongótrommur á forsýningu Alheimsdraumsins Mamma Gurru gríss gýtur í sumar Sepultura bætist við þéttsetið þungarokkssumar Bjössi og Dísa skáluðu í nýja húsinu Alheimsdraumurinn: Sveppa tókst það sem Pétri tókst ekki Katy Perry fer út í geim Pétur og Elísabet tóku fallegt parhús í 101 í gegn Vatnsdeigsbollur með Dúbaí-fyllingu: „Þið verðið að prófa“ Var farin að fá kvíðaköst þegar dóttirin bað um að fara í göngutúra Hugsi yfir reynslulausum sérfræðingum Gene Hackman og eiginkona hans fundust látin Einföld ráð fyrir glæsilegra heimili „Ég tala ekki einu sinni um þetta við vini mína“ Ása Steinars á von á barni Ástin blómstraði í karókí Michelle Trachtenberg er látin Kjósa ekki Fiennes heldur Brody vegna misskilnings Öllu tjaldað til í sjö ára afmæli Chicago Halla og Bjössi í Mottumars sokkunum í fyrsta sinn Steinhissa en verður Dumbledore Fluttu með alla fjölskylduna til Tene: „Nenni ekki að vera í þessari typpakeppni“ „Hann kann að dansa, maður minn!“ Skuggavaldið: Samsæriskenningum aldrei verið beitt svona áður Segir hlutverkið hafa bjargað lífi sínu Stöðugt spurðir hvers vegna þeir ættleiddu ekki bara Sjá meira