Undirrituðu samning um stærstu viðskiptablokk í heimi Elín Margrét Böðvarsdóttir skrifar 15. nóvember 2020 17:19 RCEP-samkomulagið var undirritað í dag og þar með hefur verið stofnað stærsta fríverslunarbandalag í heimi sem nær til um það bil þriðjungs heimshagkerfisins. Fundurinn fór fram um fjarfundabúnað en Nguyen Xuan Phuc, forsætisráðherra Víetnam, og Tran Tuan Anh, iðnaðar- og viðskiptaráðherra Víetnam voru gestgjafar fundarins. EPA/LUONG THAI LINH Fimmtán ríki undirrituðu í dag samkomulag um nýtt viðskiptabandalag sem verður það stærsta í heimi en aðildarríkin fara samanlagt með um þriðjung heimshagkerfisins. Tíu ríki í Suðaustur Asíu auk Suður-Kóreu, Kína, Japan, Ástralíu og Nýja Sjálands eru aðilar að fríverslunarsamningnum. Samkomulagið þykir vera til marks um útvíkkun áhrifa Kínverja á svæðinu sem bandalagið, RCEP (e. Regional Comprehensive Economic Partnership) nær til. Bandaríkin eru ekki aðilar að sáttmálanum en Donald Trump dró Bandaríkin úr Kyrrahafssamstarfinu svokallaða, TTP (e. Trans-Pacific Partnership), samkeppnisblokk við hið nýja bandalag, skömmu eftir að hann tók við embætti forseta árið 2017. TTP átti að samanstanda af tólf ríkjum og naut stuðnings Barack Obama, fyrrverandi Bandaríkjaforseta, og var hugsað sem mótvægi við aukin umsvif og vaxandi áhrif Kínverja á svæðinu. Samningaviðræður um RCEP hófust árið 2012 en samningurinn var undirritaður í dag samhliða fundi Asean-bandalagsins sem Víetnamar voru í forsvari fyrir að þessu sinni. „Það gleður mig að segja að eftir átta ára erfiðisvinnu, höfum við frá og með deginum í dag, formlega bundið endahnút á samningaviðræðurnar um RCEP með undirritun,“ sagði Nguyen Xuan Phuc, forsætisráðherra Víetnam. Fundurinn fór fram rafrænt og skiptust fulltrúar ríkjanna á með því að undirrita og sýna skjalið í gegnum fjarfundabúnað. Leiðtogar ríkjanna binda vonir við að samstarfið komi til með að efla viðspyrnu í efnahagslífinu í kjölfar kórónuveirufaraldursins. Li Keqiang, leiðtogi Kína, lýsti samkomulaginu sem stórum sigri fyrir fjölþjóðasamvinnu og frjáls viðskipti. Indverjar tóku þátt í samningaviðræðunum en drógu sig út úr þeim í fyrra vegna áhyggja þarlendra yfirvalda af lágum innflutningstollum sem gætu skaðað innlenda framleiðslu. Þátttökuþjóðirnar segja þó að Indverjar séu velkomnir aftur að borðinu síðar. Íbúafjöldi aðildarríkja RCEP nemur hátt í þriðjungi heimsbyggðarinnar og hagkerfin bera samanlagt uppi um 29% af þjóðarframleiðslu í heiminum og er hin nýja viðskiptablokk þar með stærri en bæði fríverslunarsamningur Bandaríkjanna, Kanada og Mexíkó og Evrópusambandið. Skattar og tollar Utanríkismál Víetnam Kína Suður-Kórea Japan Ástralía Nýja-Sjáland Mest lesið Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Einn stofnenda Play og Leifur í framkvæmdastjórn Icelandair Viðskipti innlent Netvís tekur við af SAFT Viðskipti innlent Einar rýfur þögnina: Vísar kenningum um fléttu á bug Viðskipti innlent Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira
Fimmtán ríki undirrituðu í dag samkomulag um nýtt viðskiptabandalag sem verður það stærsta í heimi en aðildarríkin fara samanlagt með um þriðjung heimshagkerfisins. Tíu ríki í Suðaustur Asíu auk Suður-Kóreu, Kína, Japan, Ástralíu og Nýja Sjálands eru aðilar að fríverslunarsamningnum. Samkomulagið þykir vera til marks um útvíkkun áhrifa Kínverja á svæðinu sem bandalagið, RCEP (e. Regional Comprehensive Economic Partnership) nær til. Bandaríkin eru ekki aðilar að sáttmálanum en Donald Trump dró Bandaríkin úr Kyrrahafssamstarfinu svokallaða, TTP (e. Trans-Pacific Partnership), samkeppnisblokk við hið nýja bandalag, skömmu eftir að hann tók við embætti forseta árið 2017. TTP átti að samanstanda af tólf ríkjum og naut stuðnings Barack Obama, fyrrverandi Bandaríkjaforseta, og var hugsað sem mótvægi við aukin umsvif og vaxandi áhrif Kínverja á svæðinu. Samningaviðræður um RCEP hófust árið 2012 en samningurinn var undirritaður í dag samhliða fundi Asean-bandalagsins sem Víetnamar voru í forsvari fyrir að þessu sinni. „Það gleður mig að segja að eftir átta ára erfiðisvinnu, höfum við frá og með deginum í dag, formlega bundið endahnút á samningaviðræðurnar um RCEP með undirritun,“ sagði Nguyen Xuan Phuc, forsætisráðherra Víetnam. Fundurinn fór fram rafrænt og skiptust fulltrúar ríkjanna á með því að undirrita og sýna skjalið í gegnum fjarfundabúnað. Leiðtogar ríkjanna binda vonir við að samstarfið komi til með að efla viðspyrnu í efnahagslífinu í kjölfar kórónuveirufaraldursins. Li Keqiang, leiðtogi Kína, lýsti samkomulaginu sem stórum sigri fyrir fjölþjóðasamvinnu og frjáls viðskipti. Indverjar tóku þátt í samningaviðræðunum en drógu sig út úr þeim í fyrra vegna áhyggja þarlendra yfirvalda af lágum innflutningstollum sem gætu skaðað innlenda framleiðslu. Þátttökuþjóðirnar segja þó að Indverjar séu velkomnir aftur að borðinu síðar. Íbúafjöldi aðildarríkja RCEP nemur hátt í þriðjungi heimsbyggðarinnar og hagkerfin bera samanlagt uppi um 29% af þjóðarframleiðslu í heiminum og er hin nýja viðskiptablokk þar með stærri en bæði fríverslunarsamningur Bandaríkjanna, Kanada og Mexíkó og Evrópusambandið.
Skattar og tollar Utanríkismál Víetnam Kína Suður-Kórea Japan Ástralía Nýja-Sjáland Mest lesið Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Einn stofnenda Play og Leifur í framkvæmdastjórn Icelandair Viðskipti innlent Netvís tekur við af SAFT Viðskipti innlent Einar rýfur þögnina: Vísar kenningum um fléttu á bug Viðskipti innlent Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira