Binni Glee spilar Among Us með Gametíví í kvöld

Það verður líf og fjör í mánudagsstreymi GameTíví í kvöld. Strákarnir hafa smalað saman tíu manns sem munu spila einn vinsælasta leikinn í dag. Hann heitir Among Us og í honum eiga spilarar að snúa bökum saman til að koma geimskipi þeirra á leiðarenda. Ekki er þó allt sem sýnist um borð.

Leikurinn er einn þeirra vinsælustu þessa dagana.

Auk þeirra GameTíví bræðra munu þau Binni Glee, Donna Cruz, Melína Kolka, Digital Cuz, Lilja Þorvarðar og Daníel Rósinkrans spila leikinn.

Gamanið hefst klukkan átta á Stöð 2 eSport, Twitchrás GameTíví og Vísi. Hægt er að horfa hér að neðan.