Fékk loksins að leiðrétta lygasögu Egils Einarssonar

Fjölmiðlamaðurinn margreyndi mætti í dagskráliðinn Yfirheyrslan í Brennslunni á FM957 á dögunum.

Þar fékk hann margar miserfiðar spurningar og varð að svara eins og vel og hann gat. Í yfirheyrslunni kom meðal annars fram að hann þóttist einu sinni hafa eldað mat frá Hraðlestinni á stefnumóti í heimahúsi. Hann var gómaður.

Hans furðulegasta venja er að Auðunn verður að kíkja í ísskápinn þegar hann mætir heim til sín, verður að vera í stuttbuxum heima og getur ekki drukkið mjólk sem einhver annar hefur opnað.

Auddi var settur í leikinn vinsæla sofa hjá, giftast, drepa. Valið stóð á milli Steinda, Sveppa og Egils Einarssonar. Hann myndi giftast Sveppa, en gat ekki valið á milli þeirra sem hann myndi sofa hjá drepa.

Versti staður heims að hans mati er Atlantic City. Hann ætlaði sér að verða atvinnumaður í fótbolta í æsku og hann er yfirleitt ekki góður í heimilisverkunum.

Í útvarpsþættinum FM95BLÖ talar Egill Einarsson oft um það að Auðunn hafi komið nakinn upp í rúm til hans á hótelherbergi og það í svefni. Það mun ekki vera rétt og fékk Auddi tækifæri til að leiðrétta þá lygi.