„Þetta er allt í úlnliðnum“

Í þættinum Allt úr engu heimsótti Davíð Örn Hákonarson íþróttamann ársins 2019, kraftlyftingamanninn Júlían J. K. Jóhannsson. Júlían hefur fimm sinnum verið valinn Kraftlyftingakarl ársins, en hann hefur haslað sér völl sem einn af sterkustu keppendum heims í +120 kg flokki. Í þættinum, sem sýndur er á Stöð 2 í kvöld, elda þeir meðal annars flanksteik, grasker, sveppi, Einnig kennir Davíð Örn áhorfendum að gera pestó úr gömlum laufum og margt fleira.

Í brotinu hér fyrir neðan má sjá tilraun kraftlyftingakappans til þess að reyna að svissa sveppi á pönnu með sólberjum og blóðbergi.

Í þáttunum Allt úr engu fjallar matreiðslumaðurinn Davíð Örn Hákonarson um allt sem tengist mat og hvernig við getum nýtt hráefnið sem best og spornað við matarsóun í framhaldinu. Hann heimsækir áhugavert fólk og eldar með því frábærar máltíðir með því að nýta það sem er til á heimilinu.