Gæsaveiðin gengur vel þrátt fyrir kuldahret Karl Lúðvíksson skrifar 7. september 2020 10:56 Gæsaveiðin hófst 20. ágúst og það er óhætt að segja að síðan þá á þessum fáu dögum sem veiðar hafi staðið yfir hafi skyttur landsins fengið allar tegundir af veðri. Það hefur gengið ágætlega hjá þeim sem Veiðivísir er í reglulegu sambandi við þrátt fyrir afleitt veður suma daga. Þeir sem voru til að mynda fyrir norðan síðustu daga og fengu á sig hríðarbyl létu það ekki á sig fá þegar það lægði inn á milli. Þá var lagst fyrir á þeim stöðum þar sem heiðagæsin kemur í kvöldflugi og sumir gerðu fína veiði þrátt fyrir alhvíta jörð. Þegar líður á tímabilið fer gæsin síðan að sækja meira niður í tún og akra en á meðan hún kemst ennþá niður í æti og heuf rnóg að éta liggur henni ekki mikið á. Kuldahretið sem gekk yfir í síðustu viku hefur ekki ýtt mikið við henni því við ræddum við einn hóp af skyttum sem voru í kvöldflugi í gær stutt frá Kárahnjúkavirkjun og þar virðist ennþá vera nóg af heiðagæs. Þeir félagar eru að taka annað kvöldflug í kvöld og ætla að senda okkur smá skeyti um árangurinn og stöðuna þar eystra. Skotveiði Mest lesið 25 - 30 laxar á dag í Eystri - Rangá Veiði Laxar á Breiðunni í Elliðaánum Veiði 120 laxar komnir úr Korpu og um 100 úr Brynjudalsá Veiði Laxveiði á næsta fræðslukvöldi SVFR Veiði Leiðbeiningar um rjúpnaveiði umhverfis Þingvelli Veiði Fimm ára með maríulax Veiði Góð veiði á Arnarvatns- og Skagaheiði Veiði Fluga dagsins: Skæð laxafluga Veiði Iðuklettar í Stóru-Laxá horfnir Veiði Fyrsti laxinn úr Bíldsfelli var maríulax Veiði
Gæsaveiðin hófst 20. ágúst og það er óhætt að segja að síðan þá á þessum fáu dögum sem veiðar hafi staðið yfir hafi skyttur landsins fengið allar tegundir af veðri. Það hefur gengið ágætlega hjá þeim sem Veiðivísir er í reglulegu sambandi við þrátt fyrir afleitt veður suma daga. Þeir sem voru til að mynda fyrir norðan síðustu daga og fengu á sig hríðarbyl létu það ekki á sig fá þegar það lægði inn á milli. Þá var lagst fyrir á þeim stöðum þar sem heiðagæsin kemur í kvöldflugi og sumir gerðu fína veiði þrátt fyrir alhvíta jörð. Þegar líður á tímabilið fer gæsin síðan að sækja meira niður í tún og akra en á meðan hún kemst ennþá niður í æti og heuf rnóg að éta liggur henni ekki mikið á. Kuldahretið sem gekk yfir í síðustu viku hefur ekki ýtt mikið við henni því við ræddum við einn hóp af skyttum sem voru í kvöldflugi í gær stutt frá Kárahnjúkavirkjun og þar virðist ennþá vera nóg af heiðagæs. Þeir félagar eru að taka annað kvöldflug í kvöld og ætla að senda okkur smá skeyti um árangurinn og stöðuna þar eystra.
Skotveiði Mest lesið 25 - 30 laxar á dag í Eystri - Rangá Veiði Laxar á Breiðunni í Elliðaánum Veiði 120 laxar komnir úr Korpu og um 100 úr Brynjudalsá Veiði Laxveiði á næsta fræðslukvöldi SVFR Veiði Leiðbeiningar um rjúpnaveiði umhverfis Þingvelli Veiði Fimm ára með maríulax Veiði Góð veiði á Arnarvatns- og Skagaheiði Veiði Fluga dagsins: Skæð laxafluga Veiði Iðuklettar í Stóru-Laxá horfnir Veiði Fyrsti laxinn úr Bíldsfelli var maríulax Veiði