Kvöldfréttir Stöðvar 2

Hlaða á bæ á Rangárvöllum splundraðist í óveðrinu í gær og átján tonna súrheysturn skemmdist í Landeyjunum í óveðrinu í gær. Þá brotnuðu margir rafmagnsstaurar við Hvolsvöll.

Í kvöldfréttum Stöðvar 2 verður fjallað um málið. Í fréttatímanum verður einnig rætt við íranska fjölskyldu sem vísa á úr landi á mánudag. Þetta eru hjón og einn sonur þeirra sem er trans strákur og hefur fest rætur hér á landi.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis klukkan hálfsjö.