Vilhelm Neto aðstoðar þríeykið að ná til unga fólksins

„Er bara að reyna hjálpa þríeykinu,“ segir leikarinn og uppistandarinn Vilhelm Neto í færslu á Twitter og birtir hann þar myndband og lagastúf.

Vilhelm langar að aðstoða þríeykið Víði Reynisson, Ölmu Möller og Þórólfi Guðnasyni í því að ná til unga fólksins.

Fram kom á upplýsingafundi Almannavarna í vikunni að reynst hefði erfitt að ná til ungs fólks að fara eftir tveggja metra reglunni.

Margir hafa slegið á létta strengi í kjölfarið á samfélagsmiðlum og vilja sumir meina að samfélagsmiðlar á borð við, TikTok, Instagram, Snapchat og fleiri miðlar séu einmitt leiðin.