Elon Musk: Tesla Cybertruck hannaður án markaðsrannsókna

Framkvæmdastjóri Tesla, Elon Musk hefur viðurkennt að Cybertruck hafi verið hannaður án rannsókna á óskum og þörfum markaðarins. Hann segir að ef Cybertruck seljist illa þá muni Tesla framleiða hefðbundnari pallbíl í staðinn.

Frumsýning Tesla Cybertruck var viðburður sem vakti mikla eftirtekt. Misheppnuð sýningin vakti jafnvel meiri athygli en sjálfur bíllinn, þá sérstaklega brotnar rúður.

Elon Musk hefur ekki áhyggjur af því að Cybertruck seljist ekki, hann er með varaáætlun. Hann hefur sagt að Tesla muni fara að framleiða hefðbundnari og einfaldari raf-pallbíl ef á þarf að halda.

„Ég er ekkert ofuráhyggjufullur yfir því að það vilji enginn kaupa okkar skringilega pallbíl. Ef þetta fer þannig þá smíðum við bara venjulegan pallbíl, ekkert mál. Það er mikið af venjulegum pallbílum á markaðnum og það er varla hægt að sjá mun á þeim. Við gætum alveg gert það líka, það er auðvelt, það er varaáætlunin okkar,“ sagði Musk í viðtali við Automotive News.

Miðað við 200.000 staðfestar pantanir fyrir Cybertruck þá þarf Musk og Tesla ekki að hafa áhyggjur. Hins vegar þarf einungis að greiða 100 dollara staðfestingargjald, sem er hægt að fá endurgreitt það eru tæpar 13500 íslenskar krónur. Það er því erfitt að lesa raunverulegan áhuga úr þeim tölum. Bíllinn verður kynntur á næsta ári og þá verður áhugavert að sjá hversu nálægt þeim sem rúðurnar brotnuðu í á frumsýningunni.