Kærði stjúpson sinn fyrir nauðgun eftir tveggja ára „ástarsamband“ Kristín Ólafsdóttir skrifar 27. júlí 2020 13:40 Dómurinn féll í Héraðsdómi Reykjaness 23. júlí. Vísir/vilhelm Héraðsdómur Reykjaness dæmdi konu nú fyrir helgi í tveggja ára og níu mánaða fangelsi fyrir kynferðisbrot gegn stjúpsyni hennar á unglingsaldri. Konan kærði stjúpson sinn fyrir kynferðisbrot þremur dögum eftir að hann var lagður inn á geðdeild vegna andlegra veikinda af völdum sambands þeirra. Konan var síðar sjálf ákærð fyrir kynferðisbrot gegn piltinum og rangar sakargiftir. Dómurinn féll í Héraðsdómi Reykjaness 23. júlí en var birtur á vef dómstólanna í dag. Konan var ákærð fyrir að hafa átt í kynferðissambandi við „sambúðarbarn sitt“, líkt og það er orðað í ákæru, frá september 2015 til apríl 2017 er pilturinn var 16 og 17 ára. Konan og pilturinn eru sögð hafa margsinnis haft samræði á heimili þeirra. Konan var einnig ákærð fyrir rangar sakargiftir með því að hafa lagt fram ranga kæru hjá lögreglustjóranum á höfuðborgarsvæðinu og reynt að koma því til leiðar að pilturinn yrði sakaður um eða dæmdur fyrir að hafa „ítrekað nauðgað henni og áreitt hana kynferðislega“ á áðurnefndu tímabili. Þetta hafi leitt til þess að lögregla hóf rannsókn á máli gegn piltinum og hann hafði um tíma réttarstöðu sakbornings. Pilturinn krafðist þess jafnframt að konan yrði dæmd til að greiða honum 700 þúsund krónur í miskabætur. Komst upp um sambandið 2017 Aðdragandi málsins er rakinn í dómi héraðsdóms. Þar segir að pilturinn hafi flust frá móður sinni til föður á vormánuðum 2015. Faðirinn var í ástarsambandi og sambúð með ákærðu en hún er sex árum eldri en pilturinn. „Með ákærðu og brotaþola tókst náið vinasamband. Samband þeirra varð svo kynferðislegt og höfðu þau fyrst samfarir í september 2015 þegar faðir brotaþola var staddur erlendis á fótboltaleik,“ segir í dómi. Þau hafi svo ítrekað haft samfarir á heimilinu mánuðina sem þá fóru í hönd en í október 2017 komst upp um kynferðissamband þeirra. Það hafi leitt til „mikilla átaka og uppnáms“ innan fjölskyldunnar og pilturinn glímt við mikla andlega vanlíðan og sjálfsvígshugsanir. Hann hafi svo loks lagst inn á geðdeild í október 2017. Þremur dögum síðar lagði konan fram kæru um nauðgun á hendur honum. Í september 2018 hætti lögregla rannsókn málsins. „gera eitthvað skemmtilegt meðan pabbi er í skólanum muhaha“ Konan lýsti því fyrir dómi að pilturinn hefði fljótlega eftir að hann flutti inn á heimilið orðið „nánast eini vinur“ hennar. Þau hefðu varið miklum tíma saman. Þá lýsti hún fyrstu samförum þeirra sem nauðgun af hálfu piltsins og hið sama hafi oft gerst síðan; að hún hafi vaknað við að pilturinn væri að káfa á henni og hann svo nauðgað henni. Þá bar dómurinn undir konuna samskipti hennar og piltsins frá ágúst 2016. Þar sagði konan við piltinn að þau ætli að „gera eitthvað skemmtilegt meðan pabbi er í skólanum muhaha“ og pilturinn svaraði því játandi. Konan kvaðst þarna hafa verið að reyna að vera „góð og eðlileg“. Þá vissi hún ekki nákvæmlega hvað hún hafi átt við í umræddum skilaboðum, ef til vill að þau „gætu farið að baka“. Einnig voru borin undir konuna ítrekuð samskipti hennar og piltsins á Facebook um knús, kúr og nudd. Konan sagðist fyrir dómi eiga mjög erfitt með að svara skilaboðum sem þessum og ekki geta sagt nei. Varð ástfanginn af stjúpmóður sinni Pilturinn lýsti upphafi kynferðissambands sínu og stjúpmóður sinnar þannig að hann hefði búið á heimilinu í um tvo til þrjá mánuði þegar konan kom eitt sinn heim af djamminu. Hún hafi þá komið upp í rúm til piltsins, lagst hjá honum og beðið hann um að fá hönd hans um magann á sér. Pilturinn hafi lýst því yfir að þetta væri „svolítið asnalegt“ en þau í kjölfarið byrjað að vera nánari á kynferðislegan hátt. Konan hafi ítrekað komið upp í rúm til hans og þau loks í fyrsta sinn haft samfarir þegar faðir hans fór til útlanda á fótboltaleik. Eftir þetta hafi þau stundað samfarir í um hundrað skipti. Pilturinn þvertók fyrir að hafa nokkru sinni neytt konuna til samfara. Þá lýsti hann mikilli vanlíðan á þeim tíma sem konan braut gegn honum. Hann hefði engum getað sagt hvað nákvæmlega væri í gangi á milli þeirra og þá hefði hann orðið ástfanginn af konunni eftir nokkra mánuði. Þá hafi það verið afar sárt að heyra til föður síns og stjúpmóður stunda kynlíf. Dómurinn komst loks að þeirri niðurstöðu, m.a. með hliðsjón af framburði vitna og vottorði geðlæknis um andlegt ástand piltsins, að konan hefði gerst sek um kynferðisbrot gegn piltinum. Hún var að endingu sakfelld fyrir kynferðisbrot, sem og að hafa borið rangar sakargiftir á piltinn. Hæfileg refsing var ákveðin fangelsisvist í tvö ár og níu mánuði, auk þess sem konunni var gert að greiða piltinum 700 þúsund krónur í málskostnað og tæpar þrjár milljónir í sakarkostnað. Dómur Héraðsdóms Reykjaness í heild. Dómstólar Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Grunur um brot gegn fleiri börnum Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Leiðist „linnulaust væl” Íslendinga yfir réttu málfari Innlent „Forsetinn var aldrei óviðeigandi við neinn“ Erlent Gríðarlegt magn myndefnis til skoðunar hjá lögreglu Innlent Fleiri fréttir Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Sjá meira
Héraðsdómur Reykjaness dæmdi konu nú fyrir helgi í tveggja ára og níu mánaða fangelsi fyrir kynferðisbrot gegn stjúpsyni hennar á unglingsaldri. Konan kærði stjúpson sinn fyrir kynferðisbrot þremur dögum eftir að hann var lagður inn á geðdeild vegna andlegra veikinda af völdum sambands þeirra. Konan var síðar sjálf ákærð fyrir kynferðisbrot gegn piltinum og rangar sakargiftir. Dómurinn féll í Héraðsdómi Reykjaness 23. júlí en var birtur á vef dómstólanna í dag. Konan var ákærð fyrir að hafa átt í kynferðissambandi við „sambúðarbarn sitt“, líkt og það er orðað í ákæru, frá september 2015 til apríl 2017 er pilturinn var 16 og 17 ára. Konan og pilturinn eru sögð hafa margsinnis haft samræði á heimili þeirra. Konan var einnig ákærð fyrir rangar sakargiftir með því að hafa lagt fram ranga kæru hjá lögreglustjóranum á höfuðborgarsvæðinu og reynt að koma því til leiðar að pilturinn yrði sakaður um eða dæmdur fyrir að hafa „ítrekað nauðgað henni og áreitt hana kynferðislega“ á áðurnefndu tímabili. Þetta hafi leitt til þess að lögregla hóf rannsókn á máli gegn piltinum og hann hafði um tíma réttarstöðu sakbornings. Pilturinn krafðist þess jafnframt að konan yrði dæmd til að greiða honum 700 þúsund krónur í miskabætur. Komst upp um sambandið 2017 Aðdragandi málsins er rakinn í dómi héraðsdóms. Þar segir að pilturinn hafi flust frá móður sinni til föður á vormánuðum 2015. Faðirinn var í ástarsambandi og sambúð með ákærðu en hún er sex árum eldri en pilturinn. „Með ákærðu og brotaþola tókst náið vinasamband. Samband þeirra varð svo kynferðislegt og höfðu þau fyrst samfarir í september 2015 þegar faðir brotaþola var staddur erlendis á fótboltaleik,“ segir í dómi. Þau hafi svo ítrekað haft samfarir á heimilinu mánuðina sem þá fóru í hönd en í október 2017 komst upp um kynferðissamband þeirra. Það hafi leitt til „mikilla átaka og uppnáms“ innan fjölskyldunnar og pilturinn glímt við mikla andlega vanlíðan og sjálfsvígshugsanir. Hann hafi svo loks lagst inn á geðdeild í október 2017. Þremur dögum síðar lagði konan fram kæru um nauðgun á hendur honum. Í september 2018 hætti lögregla rannsókn málsins. „gera eitthvað skemmtilegt meðan pabbi er í skólanum muhaha“ Konan lýsti því fyrir dómi að pilturinn hefði fljótlega eftir að hann flutti inn á heimilið orðið „nánast eini vinur“ hennar. Þau hefðu varið miklum tíma saman. Þá lýsti hún fyrstu samförum þeirra sem nauðgun af hálfu piltsins og hið sama hafi oft gerst síðan; að hún hafi vaknað við að pilturinn væri að káfa á henni og hann svo nauðgað henni. Þá bar dómurinn undir konuna samskipti hennar og piltsins frá ágúst 2016. Þar sagði konan við piltinn að þau ætli að „gera eitthvað skemmtilegt meðan pabbi er í skólanum muhaha“ og pilturinn svaraði því játandi. Konan kvaðst þarna hafa verið að reyna að vera „góð og eðlileg“. Þá vissi hún ekki nákvæmlega hvað hún hafi átt við í umræddum skilaboðum, ef til vill að þau „gætu farið að baka“. Einnig voru borin undir konuna ítrekuð samskipti hennar og piltsins á Facebook um knús, kúr og nudd. Konan sagðist fyrir dómi eiga mjög erfitt með að svara skilaboðum sem þessum og ekki geta sagt nei. Varð ástfanginn af stjúpmóður sinni Pilturinn lýsti upphafi kynferðissambands sínu og stjúpmóður sinnar þannig að hann hefði búið á heimilinu í um tvo til þrjá mánuði þegar konan kom eitt sinn heim af djamminu. Hún hafi þá komið upp í rúm til piltsins, lagst hjá honum og beðið hann um að fá hönd hans um magann á sér. Pilturinn hafi lýst því yfir að þetta væri „svolítið asnalegt“ en þau í kjölfarið byrjað að vera nánari á kynferðislegan hátt. Konan hafi ítrekað komið upp í rúm til hans og þau loks í fyrsta sinn haft samfarir þegar faðir hans fór til útlanda á fótboltaleik. Eftir þetta hafi þau stundað samfarir í um hundrað skipti. Pilturinn þvertók fyrir að hafa nokkru sinni neytt konuna til samfara. Þá lýsti hann mikilli vanlíðan á þeim tíma sem konan braut gegn honum. Hann hefði engum getað sagt hvað nákvæmlega væri í gangi á milli þeirra og þá hefði hann orðið ástfanginn af konunni eftir nokkra mánuði. Þá hafi það verið afar sárt að heyra til föður síns og stjúpmóður stunda kynlíf. Dómurinn komst loks að þeirri niðurstöðu, m.a. með hliðsjón af framburði vitna og vottorði geðlæknis um andlegt ástand piltsins, að konan hefði gerst sek um kynferðisbrot gegn piltinum. Hún var að endingu sakfelld fyrir kynferðisbrot, sem og að hafa borið rangar sakargiftir á piltinn. Hæfileg refsing var ákveðin fangelsisvist í tvö ár og níu mánuði, auk þess sem konunni var gert að greiða piltinum 700 þúsund krónur í málskostnað og tæpar þrjár milljónir í sakarkostnað. Dómur Héraðsdóms Reykjaness í heild.
Dómstólar Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Grunur um brot gegn fleiri börnum Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Leiðist „linnulaust væl” Íslendinga yfir réttu málfari Innlent „Forsetinn var aldrei óviðeigandi við neinn“ Erlent Gríðarlegt magn myndefnis til skoðunar hjá lögreglu Innlent Fleiri fréttir Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Sjá meira