„Ég hef hef náð að afreka hluti sem ég hef ætlað mér“

Miss Universe Iceland 2020 fer fram í Hljómahöllinni í Reykjanesbæ 21. ágúst og verður keppnin í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe en ekki hefur verið staðfest hvar eða hvenær sú keppni fer fram. Næstu vikur verður kynning á keppendum hér á Vísi.

Heiðrún Anna Eyjólfsdóttir er 20 ára gömul, fædd og uppalinn á sveitabæ rétt fyrir utan Egilsstaði og hefur búið þar allt sitt líf.

„Í frítímanum mínum fyrir utan skóla og vinnu stunda ég allskyns hreyfingu á borð við útigöngur, líkamsrækt og fótbolta mér til gamans. Ég á um 30 dýr en þau eru kettir, kanínur, gæsir, endur og hænur. Skemmtilegasta sem ég geri er að ferðast um Ísland með vinum mínum og kærasta, einnig að eyða tíma með fjölskyldu minni.“

Lífið náði tali af Heiðrúnu:

Morgunmaturinn?

Hafragrautur með kanil allan daginn!

Helsta freistingin?

Allt með sykri í haha.

Hvað ertu að hlusta á?

Hlusta á mjög mismunandi hluti en Justin Bieber er alltaf efstur.

Hvað sástu síðast í bíó?

Hef ekki farið í bíó 2020!

Hvaða bók er á náttborðinu?

Harry Potter og fönixreglan.

Hver er þín fyrirmynd?

Móðir mín og faðir eru mér alltaf efst í huga.

Hvað ætlarðu að gera í sumarfríinu?

Vinna, skóla og eyða tíma með fjölskyldu og vinum ásamt því að taka þátt í MUI.

Uppáhaldsmatur?

Burrito eða nautasteik.

Uppáhaldsdrykkur?

Nocco eða Sprite.

Hver er frægasta persóna sem þú hefur hitt?

Birta Abiba.

Hvað hræðistu mest?

Sjóinn.

Neyðarlegasta atvik sem þú hefur lent í?

Skora sjálfsmark í fótboltaleik.

Hverju ertu stoltust af?

Hvað ég hef náð að afreka hluti sem ég hef ætlað mér.

Hefurðu einhvern leyndan hæfileika?

Ég get gert peace merki með tánum.

Hundar eða kettir?

Kettir for sure.

Hvað er það leiðinlegasta sem þú gerir?

Teygja á eftir æfingar.

En það skemmtilegasta?

Eyða tíma með fjölskyldu og vinum.

Hverju vonastu til að Miss Universe skili þér?

Meira sjálfsöryggi, stærrI platform til að koma fram skoðunum og stærra tengslanet.

Hvar sérðu þig eftir 5 ár?

Að klára háskóla sem ferðamálafræðingur og vonandi búin að kaupa mér mitt eigið hús.