Bein útsending: Forsætisráðherrar og kanslari í Viðey

Árlegur sumarfundur forsætisráðherra Norðurlandanna fer fram í dag. Angela Merkel, kanslari Þýskalands, er sérstakur gestur á fundinum en hún er hér á landi í boði Katrínar Jakobsdóttur forsætisráðherra.

Fundarhöldin dagsins hófust á fundi forsætisráðherra Norðurlandanna ásamt Álandseyjum, Færeyjum og Grænlandi í Hörpu og í framhaldinu áttu þeir síðan fund með norrænum stórfyrirtækjum.

Leiðtogarnir halda blaðamannafund í Viðey klukkan 13.45 þar sem þeir flytja stutt ávörp og svara spurningum fréttamanna. Fundurinn er í beinni útsendingu hér á Vísi og má horfa á hann í spilaranum hér fyrir neðan.