Guðmundur Ágúst Kristjánsson fékk fimm fugla á fyrri níu holunum á þriðja hringnum á Íslandsmótinu í golfi sem fer fram á Grafarholtsvelli.
Guðmundur Ágúst, sem var í 7. sæti eftir fyrstu tvo hringina, er kominn í toppsætið ásamt Andra Þór Björnssyni. Þeir eru báðir á samtals sjö höggum undir pari.
Viktor Ingi Einarsson er þriðji á samtals sex höggum undir pari.
Íslandsmeistarinn Guðrún Brá Björgvinsdóttir er með sex högga forystu í kvennaflokki. Hún lék fyrri níu holurnar á þriðja hringnum á einu höggi undir pari. Guðrún Brá er samtals á fjórum höggum undir pari.
Nína Björk Geirsdóttir og Saga Traustadóttir eru jafnar í 2. sæti á samtals tveimur höggum yfir pari.
Guðmundur Ágúst með fimm fugla á fyrri níu holunum
