Spilaði í Pepsi-deildinni 2011 en átta árum síðar á leið til Vincent Kompany og Anderlecht

Framherjinn Kemar Roofe gengst í dag undir læknisskoðun hjá belgíska stórveldinu Anderlecht en hann er að ganga í raðir félagsins frá Leeds.

Marcelo Bielsa, stjóri Leeds United, staðfesti eftir 3-1 sigur Leeds í gær að Roofe myndi yfirgefa félagið áður en sumarglugginn væri á enda.

Roofe á einungis eitt ár eftir af samningi sínum hjá Leeds og bendir allt til þess að hann verði leikmaður Vincent Kompany sem er spilandi þjálfari hjá Anderlecht.

Marcelo Bielsa says Leeds will "have to adapt" if last season's leading scorer Kemar Roofe joins Anderlecht.

Full story  https://t.co/sWB9XI3Uacpic.twitter.com/ajH5djvrV2

— BBC Sport (@BBCSport) August 5, 2019

Framherjinn átti fínasta tímabil á síðustu leiktíð en þá skoraði hann fimmtán mörk í 34 leikjum. Leeds fór alla leið í umspilið en datt þar út fyrir Derby County.

Kompany hefur verið öflugur á leikmannamarkaðnum í sumar en Samir Nasri og vinstri bakvörður Manchester City, Philippe Sandler, hafa meðal annars gengið í raðir félagsins.

Byrjunin hefur þó ekki verið góð í deildinni en félagið er einungis með eitt stig eftir fyrstu tvo leikina.

Til gamans má geta að Roofe lék með Víkingi Reykjavík á láni sumarið 2011 er liðið lék í efstu deild karla.