Forskeytið „stuð“ boðar gott Þórarinn Þórarinsson skrifar 25. júlí 2019 10:00 Stuðlabandsins, sjöhöfða glymskrattinn frá Selfossi. Hljómsveitin Stuðlabandið var stofnuð á Selfossi 2004 og hróður hennar sem sveitaballastuðbands hefur aukist jafnt og þétt með hverju árinu. Þeir félagar láta til sín taka á stóra sviðinu á Þjóðhátíð í Eyjum um verslunarmannahelgina fjórða árið í röð. Að þessu sinni með Jóni Jónssyni á kvöldvöku laugardagsins og halda svo áfram á ballinu eftir miðnætti langt inn í ágústnóttina. „Orkan sem svífur þarna yfir öllu er svo ótrúlega mögnuð að það verður aldrei þreytt að spila þarna,“ segir Marinó Geir Lilliendahl, trommuleikari og stofnandi hljómsveitarinnar. „Andrúmsloftið er náttúrlega einhvern veginn þannig að það er alltaf ótrúlega mögnuð upplifun að stíga þarna á svið. Þessi hátíð er einstök í sjálfri sér og á sér enga hliðstæðu á landinu.“Í stuði helming ævinnar Marinó segir að Stuðlabandið sé „eðal sunnlensk blanda“ þar sem sjömenningarnir eru allir frá Selfossi eða úr nærsveitum. „Í grunninn er þetta náttúrlega bara gamall rótgróinn vinahópur,“ segir Marinó og bendir á að það kunni að skýra fjöldann í bandinu. „Þetta er fimmtán ára gömul hljómsveit sem ég stofnaði þegar ég var fjórtán ára. Ég er 29 ára í dag þannig að ég er búinn að vera í henni rúmlega 50% ævi minnar.“ Marinó segir Stuðlabandið byggja á traustum grunni sveitaballahefðarinnar og í raun megi segja að samanlagt séu þeir félagar mennskur glymskratti. „Við spilum hvað sem er. Skiptir engu hvort það er ABBA, Whitesnake eða Whitney Houston. Við tökum bara alla flóruna; íslenskt, erlent, gamalt og nýtt. Rokk, popp og diskó. Það skiptir engu máli.“Flottir í tauinu Strákarnir í Stuðlabandinu hafa vakið verðskuldaða athygli fyrir samræmdan og stílfærðan klæðaburð en þeir troða jafnan upp í skrautlegum jakkafötum og hafa þannig skapað sér ákveðna ímynd. „Við reynum að taka okkur ekkert of hátíðlega og fólk hefur gaman af þessu. Við sýnum öllum viðburðum þá virðingu að við klæðum okkur upp og mætum vel til hafðir. Hvort sem jakkafötin eru fjólublá, doppótt eða blá. Marinó segir fatasafnið orðið býsna drjúgt og telji í það minnsta átta mismunandi skrautlega alklæðnaði og að sjálfsögðu bætist reglulega ný jakkaföt við.Ekki í skugga Skímó Skítamórall er þekktasta hljómsveitin sem komið hefur frá Selfossi í seinni tíð en Marinó segir aðspurður Stuðlabandið þó ekki standa í skugga þeirrar sveitar. „Nei, ég tel okkur ekkert endilega vera í skugga einhvers. Skímó eru auðvitað geggjaðir og búnir að gera ógeðslega góða hluti í gegnum tíðina og við lítum upp til þeirra fyrir það sem þeir hafa gert,“ segir hann. „Við höfum yfirleitt bara reynt að vera meðvitaðir um eigið ágæti og fara áfram á því sem við stöndum fyrir frekar en að reyna að líkja eftir einhverjum öðrum eða setja okkur í spor einhverra annarra.“Æfðu á dýraspítala Þegar talið berst að nafni hljómsveitarinnar kemur á daginn að það hefur ekkert að gera með stuðlaberg eða stuðla og höfuðstafi. „Sagan á bak við nafnið er einföld. Þegar við byrjuðum 2004 æfðum við í bílskúrnum heima hjá einum okkar og hann býr á bæ í Ölfusi sem heitir Stuðlar og er dýraspítali. Dýraspítalinn á Stuðlum í Ölfusi og við kölluðum okkur bara Stuðlabandið. Við erum miklir dýravinir og þetta er skírskotun í það.“ Þá má einnig rekja nafn hljómsveitarinnar nokkuð langt aftur í íslenska gleðitónlistarsögu. „Ég hitti Valgeir Guðjónsson einu sinni og hann heilsaði mér og sagði við mig að við ættum þó sameiginlegt að vera báðir í hljómsveit með forskeytinu „stuð-“ og það boðar gott. Kannski smá vísun í það líka, stuðið. Það á vel við.“ Birtist í Fréttablaðinu Tónlist Þjóðhátíð í Eyjum Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira
Hljómsveitin Stuðlabandið var stofnuð á Selfossi 2004 og hróður hennar sem sveitaballastuðbands hefur aukist jafnt og þétt með hverju árinu. Þeir félagar láta til sín taka á stóra sviðinu á Þjóðhátíð í Eyjum um verslunarmannahelgina fjórða árið í röð. Að þessu sinni með Jóni Jónssyni á kvöldvöku laugardagsins og halda svo áfram á ballinu eftir miðnætti langt inn í ágústnóttina. „Orkan sem svífur þarna yfir öllu er svo ótrúlega mögnuð að það verður aldrei þreytt að spila þarna,“ segir Marinó Geir Lilliendahl, trommuleikari og stofnandi hljómsveitarinnar. „Andrúmsloftið er náttúrlega einhvern veginn þannig að það er alltaf ótrúlega mögnuð upplifun að stíga þarna á svið. Þessi hátíð er einstök í sjálfri sér og á sér enga hliðstæðu á landinu.“Í stuði helming ævinnar Marinó segir að Stuðlabandið sé „eðal sunnlensk blanda“ þar sem sjömenningarnir eru allir frá Selfossi eða úr nærsveitum. „Í grunninn er þetta náttúrlega bara gamall rótgróinn vinahópur,“ segir Marinó og bendir á að það kunni að skýra fjöldann í bandinu. „Þetta er fimmtán ára gömul hljómsveit sem ég stofnaði þegar ég var fjórtán ára. Ég er 29 ára í dag þannig að ég er búinn að vera í henni rúmlega 50% ævi minnar.“ Marinó segir Stuðlabandið byggja á traustum grunni sveitaballahefðarinnar og í raun megi segja að samanlagt séu þeir félagar mennskur glymskratti. „Við spilum hvað sem er. Skiptir engu hvort það er ABBA, Whitesnake eða Whitney Houston. Við tökum bara alla flóruna; íslenskt, erlent, gamalt og nýtt. Rokk, popp og diskó. Það skiptir engu máli.“Flottir í tauinu Strákarnir í Stuðlabandinu hafa vakið verðskuldaða athygli fyrir samræmdan og stílfærðan klæðaburð en þeir troða jafnan upp í skrautlegum jakkafötum og hafa þannig skapað sér ákveðna ímynd. „Við reynum að taka okkur ekkert of hátíðlega og fólk hefur gaman af þessu. Við sýnum öllum viðburðum þá virðingu að við klæðum okkur upp og mætum vel til hafðir. Hvort sem jakkafötin eru fjólublá, doppótt eða blá. Marinó segir fatasafnið orðið býsna drjúgt og telji í það minnsta átta mismunandi skrautlega alklæðnaði og að sjálfsögðu bætist reglulega ný jakkaföt við.Ekki í skugga Skímó Skítamórall er þekktasta hljómsveitin sem komið hefur frá Selfossi í seinni tíð en Marinó segir aðspurður Stuðlabandið þó ekki standa í skugga þeirrar sveitar. „Nei, ég tel okkur ekkert endilega vera í skugga einhvers. Skímó eru auðvitað geggjaðir og búnir að gera ógeðslega góða hluti í gegnum tíðina og við lítum upp til þeirra fyrir það sem þeir hafa gert,“ segir hann. „Við höfum yfirleitt bara reynt að vera meðvitaðir um eigið ágæti og fara áfram á því sem við stöndum fyrir frekar en að reyna að líkja eftir einhverjum öðrum eða setja okkur í spor einhverra annarra.“Æfðu á dýraspítala Þegar talið berst að nafni hljómsveitarinnar kemur á daginn að það hefur ekkert að gera með stuðlaberg eða stuðla og höfuðstafi. „Sagan á bak við nafnið er einföld. Þegar við byrjuðum 2004 æfðum við í bílskúrnum heima hjá einum okkar og hann býr á bæ í Ölfusi sem heitir Stuðlar og er dýraspítali. Dýraspítalinn á Stuðlum í Ölfusi og við kölluðum okkur bara Stuðlabandið. Við erum miklir dýravinir og þetta er skírskotun í það.“ Þá má einnig rekja nafn hljómsveitarinnar nokkuð langt aftur í íslenska gleðitónlistarsögu. „Ég hitti Valgeir Guðjónsson einu sinni og hann heilsaði mér og sagði við mig að við ættum þó sameiginlegt að vera báðir í hljómsveit með forskeytinu „stuð-“ og það boðar gott. Kannski smá vísun í það líka, stuðið. Það á vel við.“
Birtist í Fréttablaðinu Tónlist Þjóðhátíð í Eyjum Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira