Vorannáll Guðmundur Brynjólfsson skrifar 27. maí 2019 08:00 Eyrarbakka skip er ókomið og hef ég því fátt tíðinda. Veit þó að fjársýkin hefur gert marga sauðlausa á Jótlandi. Annars hefur verið umhleypingasamt þar ytra en hlýtt. Fregnaði þetta af kríum sem komu hér í síðustu viku. Fékk með sömu sendiboðum tilboð um að taka við Sóreyjarháskóla. Þáði en fer líklega hvergi. Bíð eftir bréfi um annað. En vona lítið því bréfritari hefur lengi verið aflvana í hægri armi. Hér fyrir austan var vetur góður, en nokkuð hríðasamt nyrðra fram yfir venju og kalt. Af Austurlandi engar fréttir. Sumrar ágætlega á Eyrarbakka. Selatekja ærin. Vertíð góð. Drykkjuskapur tempraður. Fregnað hefi ég útkjálkamælingu í Reykjavík. Þar er því fram haldið af bæjarstjórninni að götur eyðist um of og verslun sé á röngum stöðum. Þessu hefur verið andæft og hafa yfirsetukonur og hómópatar, ærlegir læknar og portkonur lýst yfir áhyggjum því þetta fólk vill gjarna halda sínu striki til starfa. Hafa sumir gengið svo langt að fullyrða að vegir séu grundvöllurinn eini vilji bæjarfélög kaupstaðarrétt hafa, frekar en einungis höndlunarleyfi. Mun þetta í rannsókn. Mál var uppi í höfuðstaðnum, hafði kerling ein verið skotin í vetur að ófyrirsynju til bana, og var helst fyrir hafður Rúnar nokkur Zívertsen, Sæmundar Zívertsen hattara. Guðmundur djákn skoðaði hana og vottaði dauða. Vóru gefnir fátækum af henni skórnir. Annað var ekki hægt að hirða nema hvað bæjarsjóður tók úr henni tönnurnar og hafði fyrir mulning í götur, til styrkingar. Að þessu sögðu er ljóst að lítt er að stóla á skipaferðir en jafnljóst að réttast er að koma sér upp teinæringi til Reykjavíkurferða. Viltu birta grein á Vísi? Sendu okkur póst. Senda grein Birtist í Fréttablaðinu Guðmundur Brynjólfsson Mest lesið Skýr stefna um málfrelsi Róbert H. Haraldsson Skoðun Sporin þín Valtýr Soffía Sigurðardóttir Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Þriggja stiga þögn Bjarni Karlsson Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir Skoðun Hvers vegna sífellt fleiri sækjast eftir einveru Ingrid Kuhlman Skoðun Nú þarf að gyrða sig í brók Gunnlaugur Stefánsson Skoðun Sjallar og lyklaborðið Sigfús Ómar Höskuldsson Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Eyrarbakka skip er ókomið og hef ég því fátt tíðinda. Veit þó að fjársýkin hefur gert marga sauðlausa á Jótlandi. Annars hefur verið umhleypingasamt þar ytra en hlýtt. Fregnaði þetta af kríum sem komu hér í síðustu viku. Fékk með sömu sendiboðum tilboð um að taka við Sóreyjarháskóla. Þáði en fer líklega hvergi. Bíð eftir bréfi um annað. En vona lítið því bréfritari hefur lengi verið aflvana í hægri armi. Hér fyrir austan var vetur góður, en nokkuð hríðasamt nyrðra fram yfir venju og kalt. Af Austurlandi engar fréttir. Sumrar ágætlega á Eyrarbakka. Selatekja ærin. Vertíð góð. Drykkjuskapur tempraður. Fregnað hefi ég útkjálkamælingu í Reykjavík. Þar er því fram haldið af bæjarstjórninni að götur eyðist um of og verslun sé á röngum stöðum. Þessu hefur verið andæft og hafa yfirsetukonur og hómópatar, ærlegir læknar og portkonur lýst yfir áhyggjum því þetta fólk vill gjarna halda sínu striki til starfa. Hafa sumir gengið svo langt að fullyrða að vegir séu grundvöllurinn eini vilji bæjarfélög kaupstaðarrétt hafa, frekar en einungis höndlunarleyfi. Mun þetta í rannsókn. Mál var uppi í höfuðstaðnum, hafði kerling ein verið skotin í vetur að ófyrirsynju til bana, og var helst fyrir hafður Rúnar nokkur Zívertsen, Sæmundar Zívertsen hattara. Guðmundur djákn skoðaði hana og vottaði dauða. Vóru gefnir fátækum af henni skórnir. Annað var ekki hægt að hirða nema hvað bæjarsjóður tók úr henni tönnurnar og hafði fyrir mulning í götur, til styrkingar. Að þessu sögðu er ljóst að lítt er að stóla á skipaferðir en jafnljóst að réttast er að koma sér upp teinæringi til Reykjavíkurferða.
Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson Skoðun
Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson Skoðun
Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun