Feluleikur forsetans Þorbjörg Gunnlaugsdóttir skrifar 9. maí 2019 07:00 Keppnir eru heillandi. Þeir í Monty Python sögðu einu sinni söguna af erfiðustu keppni í heimi, feluleik karla á Ólympíuleikunum. Heimurinn allur var undir í feluleiknum. Gat Francisco Huron slegið met Don Roberts um að vera í felum í 11 ár, 2 mánuði, 26 daga, 9 klukkustundir, 3 mínútur og 27,4 sekúndur? Sem barn elskaði ég keppnir og hélt bókhald um sigurvegara Evróvisjón og þau lönd sem sviku Ísland (öll). Stúderaði niðurstöður lyfjaprófa í 100 m hlaupi karla. Þekkti helstu titla í hverri keppni Ungfrú Ísland og hvaða keppendur klæddust kjólum frá Jórunni Karls. Fylgdist með hvernig hrossunum hjá Sigurbirni Bárðar vegnaði. Kunni kaloríuinntöku Hjalta Úrsus sem þróaðist síðan út í áhuga á keppni um köku ársins. Það er góð keppni. Núna er það forsetakjörið í Bandaríkjunum. Þar veit enginn hvað þarf til að vinna þó ákveðnar lykilbreytur séu þekktar. Allir sigurvegarar hafa verið með utanáliggjandi þvagrás. Að öðru leyti er leikurinn opinn. Lítil atriði verða stór. Dijon sinnep ofan á hamborgara leiðir til Dijongate. Tölvupóstur úr einkanetfangi getur drepið. Dýr jakkaföt eru hættuleg á fundi með kornbændum. Menn þurfa að geta lesið salinn. Alltaf elska ameríska bíla. Aldrei kunna frönsku, en endilega spænsku. Ekki mæta í baptistamessu án þess að geta sungið. Í þessari keppni geta leikreglur líka breyst. Alltaf vandað að klökkna í ræðu (Bill Clinton) en ekki í samtali (Hillary Clinton). Í síðustu keppni urðu síðan hin ótrúlegu úrslit að kjósendum tókst ekki að finna forsetann. Lítil atriði urðu að stórum. Enn er sú hætta fyrir hendi. Í tveggja ára keppni þar sem lítil feilspor ráða úrslitum er lykillinn kannski aðallega að láta ekki afhjúpa sig. Sá sigrar sem er bestur í feluleiknum. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið 76 dagar Erlingur Sigvaldason Skoðun Á hvaða ári er Inga Sæland stödd? Snorri Másson Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Draugagangur í Alaska Hannes Pétursson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Keppnir eru heillandi. Þeir í Monty Python sögðu einu sinni söguna af erfiðustu keppni í heimi, feluleik karla á Ólympíuleikunum. Heimurinn allur var undir í feluleiknum. Gat Francisco Huron slegið met Don Roberts um að vera í felum í 11 ár, 2 mánuði, 26 daga, 9 klukkustundir, 3 mínútur og 27,4 sekúndur? Sem barn elskaði ég keppnir og hélt bókhald um sigurvegara Evróvisjón og þau lönd sem sviku Ísland (öll). Stúderaði niðurstöður lyfjaprófa í 100 m hlaupi karla. Þekkti helstu titla í hverri keppni Ungfrú Ísland og hvaða keppendur klæddust kjólum frá Jórunni Karls. Fylgdist með hvernig hrossunum hjá Sigurbirni Bárðar vegnaði. Kunni kaloríuinntöku Hjalta Úrsus sem þróaðist síðan út í áhuga á keppni um köku ársins. Það er góð keppni. Núna er það forsetakjörið í Bandaríkjunum. Þar veit enginn hvað þarf til að vinna þó ákveðnar lykilbreytur séu þekktar. Allir sigurvegarar hafa verið með utanáliggjandi þvagrás. Að öðru leyti er leikurinn opinn. Lítil atriði verða stór. Dijon sinnep ofan á hamborgara leiðir til Dijongate. Tölvupóstur úr einkanetfangi getur drepið. Dýr jakkaföt eru hættuleg á fundi með kornbændum. Menn þurfa að geta lesið salinn. Alltaf elska ameríska bíla. Aldrei kunna frönsku, en endilega spænsku. Ekki mæta í baptistamessu án þess að geta sungið. Í þessari keppni geta leikreglur líka breyst. Alltaf vandað að klökkna í ræðu (Bill Clinton) en ekki í samtali (Hillary Clinton). Í síðustu keppni urðu síðan hin ótrúlegu úrslit að kjósendum tókst ekki að finna forsetann. Lítil atriði urðu að stórum. Enn er sú hætta fyrir hendi. Í tveggja ára keppni þar sem lítil feilspor ráða úrslitum er lykillinn kannski aðallega að láta ekki afhjúpa sig. Sá sigrar sem er bestur í feluleiknum.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun