Rooney skoraði algjört draumamark í nótt | Myndband

Wayne Rooney og Zlatan Ibrahimovic voru báðir á skotskónum fyrir lið sín í bandaríska boltanum í nótt.

Zlatan var að snúa til baka eftir meiðsli og skoraði tvö mörk úr vítaspyrnum í 2-1 sigri LA Galaxy gegn Portland Timbers.

Wayne Rooney og félagar í DC United unnu Orlando City, 2-1, þar sem Rooney skoraði þetta draumamark fyrir United.

Rooney really scored from that angle

(via @FOXSoccer)pic.twitter.com/vqz6jxgoGg

— Bleacher Report (@BleacherReport) April 1, 2019

Hann fékk aukaspyrnu nánast út við hornfána og gerði sér lítið fyrir og skellti boltanum í netið af því færi. Ótrúlegur spyrnumaður.

Þetta var fyrsti útisigur DC United síðan í maí í fyrra og sigurinn kom þeim á topp Austurdeildarinnar. Galaxy er í fimmta sæti fyrir vestan.