Golf

Með væna forystu eftir holu í höggi

Kim fagnaði höggi sínu á sextándu vel og innilega.
Kim fagnaði höggi sínu á sextándu vel og innilega. Vísir/Getty
Suður-Kóreumaðurinn Si Woo Kim náði að fylgja eftir frábærum fyrsta hring á Valero Texas Open-mótinu með því að ná draumahöggi allra kylfinga á öðrum hring í gær.

Kim spilaði á 66 höggum á fyrsta hring, sex höggum undir pari, og gerði slíkt hið sama í gær. En á sextándu holu gerði hann sér lítið fyrir og sló holu í höggi. Um var að ræða 152 metra langa holu og sló Kim með járnkylfu númer níu.

Þetta er í annað sinn á ferlinum sem Kim nær holu í höggi á PGA-móti og í 22. sinn á núverandi mótaröð þar sem að kylfingur nær þessu afreki.









En fáir hafa afrekað að ná holu í höggi á móti þar sem þeir bera svo sigur úr býtum og gæti Kim því komist í fámennan hóp ef honum tekst að halda forystu sinni allt til loka.

Kim bar sigur úr býtum á Players-meistaramótinu árið 2017 og er með fjögurra högga forystu á mótinu. Sex kylfingar eru á átta höggum undir pari, meðal annarra Jordan Spieth og Rickie Fowler.

Þetta er síðasta PGA-mótið fyrir fyrsta risamót ársins en Masters-mótið hefst í næstu viku.

Sýnt er beint frá Valero Texas Open mótinu á Stöð 2 Golf en útsending hefst klukkan 17.00 í dag.

Golf

Mest lesið


Fleiri fréttir

Sjá meira


×

Mest lesið