Segir verkföllin leiða til „hamfara í ferðaþjónustunni“ Sylvía Hall skrifar 10. mars 2019 11:44 Jóhannes Þór Skúlason, framkvæmdastjóri Samtaka ferðaþjónustunnar Vísir/Vilhelm Jóhannes Þór Skúlason, framkvæmdarstjóri Samtaka ferðaþjónustunnar, segir komandi verkfallsaðgerðir leiða til „hamfara í ferðaþjónustunni“ og hann telur ekki vera grundvöll til staðar fyrir slíkum aðgerðum. Viðar Þorsteinsson, framkvæmdarstjóri Eflingar, og Jóhannes Þór ræddu komandi verkfallsaðgerðir í Sprengisandi í morgun. Fyrstu verkfallsaðgerðir hófust síðasta föstudag þegar um sjöhundruð félagsmenn Eflingar lögðu niður störf á hótelum borgarinnar. Viðar segist allt stefna í að frekari vinnustöðvanir verði samþykktar á meðal félagsmanna í ljósi þess að sú síðasta hafi verið samþykkt með yfir 90% atkvæða. Næstu aðgerðir munu beinast að fjörutíu stærstu hótelum á félagssvæðum Eflingar og VR á höfuðborgarsvæðinu og öllum hópbifreiðarfyrirtækjum.Verkfallið á föstudaginn forsmekkur fyrir því sem koma skal Fari svo að samningar náist ekki tekur við allsherjarverkfall frá og með 1. maí. Jóhannes Þór segir margt benda til þess að svo verði raunin. „Eins og staðan er núna verðum við einfaldlega að horfast í augu við það að það er líklegt að þetta gerist ef það verða engar snöggar vendingar á því sem er að gerast við samningaborðið.“ „Við erum náttúrulega að horfa inn í þá framtíð sem er ekkert sérstaklega falleg. Verkfallið sem var á föstudaginn var svona forsmekkur, eins dags verkfall þar sem fyrirtækin sem um ræddi voru búin að ná að undirbúa sig nokkuð vel og það hafi náðst að fara svona þokkalega í gegnum það, svona eins þokkalega og hægt var,“ sagði Jóhannes Þór en bætti við að það væri alltaf tap af slíkum aðgerðum. „Það sem við horfum fram á núna á næstunni, það er ekkert hægt að lýsa því öðruvísi en sem hamförum í ferðaþjónustunni.“Viðar Þorsteinsson, framkvæmdarstjóri Eflingar. Vísir/Vilhelm„Láglaunastefnan kostar“ Viðar segir fyrirtækin verða að horfast í augu við það að fyrirhugaðar aðgerðir séu afleiðingar þess að fólk hafi þurft að lifa á lægstu mögulegu launum í langan tíma með mikilli vinnu. Láglaunastefnan kosti þannig fyrirtækin alltaf á endanum. „Fólk á lægstu launum á Íslandi í dag, það getur einfaldlega ekki lifað af þeim og hefur þurft að búa við þessar afleiðingar og þær hægfara hamfarir sem það leiðir til fyrir vinnandi fólk að geta ekki framfleytt sér, að geta ekki boðið sjálfum sér og börnum sínum mannsæmandi líf.“ Þá segir hann verkfallsaðgerðirnar vel skipulagðar enda liggi það í augum uppi að þær séu til þess fallnar að þrýsta frekar á samningaviðræður. Hann efast um að það væri til sú aðgerðaráætlun sem SA og SAF myndi hugnast betur en önnur. „Við horfum að sjálfsögðu á það hvaða áhrif verkfallsaðgerðin hefur og það er mat sem við neyðumst til þess að gera, ákveðið herfræðilegt mat. Við horfum á hvað við eigum í okkar verkfallssjóðum og við horfum á það líka hversu margir einstaklingar fara í verkfallið og alla þessa þætti.“ Hann segir mikinn vilja hafa verið á meðal starfsmanna í ferðaþjónustunni að grípa til aðgerða. „Við horfum auðvitað líka á það að sumir geirar eru þess eðlis að þar er bara meiri vilji og fólk er tilbúnara í aðgerðirnar og það er eitthvað sem við höfum fundið mjög skýrt bæði hjá hópbifreiðarstjórunum og starfsfólki hótela í gegnum vinnustaðafundi og samskipti við trúnaðarmenn okkar á síðustu vikum og mánuðum, og í raun og veru síðasta árið.“ „Við finnum að þarna er hljómgrunnur, fólk er búið að fá nóg og er tilbúið að láta til sín taka,“ segir Viðar og bætir við að aðgerðin 8. mars hafi undirstrikað það mjög skýrt. Kristján bendir á að fleiri séu á markaðinum en einungis íslensk fyrirtæki og spyr hvort slíkar aðgerðir geti grafið undan félagsmönnum Eflingar. Viðar segir slíkt vel geta vera enda hafi hnattvæðingin ekki skilað miklum ábata fyrir verkafólk. „Ég held að við í verkalýðshreyfingunni ætlum nú ekki skyndilega að fara axla ábyrgð á þeirri tilhögun mála, hvernig kapítalisminn „fúnkerar“ og samkeppnisumhverfið,“ segir Viðar en bætir við að það hafi alltaf verið stefna verkalýðsfélaganna að taka skýra afstöðu gegn félagslegum undirboðum og það sama hafi verið upp á teningnum á meðal forsvarsmanna rútufyrirtækjanna.Verkföllin strax farin að valda tjóni „Þegar sagt er að verkföll eigi að bíta þá þýðir það einfaldlega að þau séu hönnuð til þess að valda tjóni,“ segir Jóhannes Þór. Þá segir hann aðgerðirnar strax farnar að valda tjóni þrátt fyrir að ekki sé búið að greiða atkvæði um þær og nefnir rútufyrirtæki sem strax sé búið að tapa um þrjátíu hópum. „Svona tjón hefur áhrif á margvíslegan máta og fyrir þetta fyrirtæki þýðir þetta einfaldlega að fimm störf bílstjóra tapast.“ Hann bætir við að verkföll séu hluti af vinnulöggjöfinni og réttur starfandi fólks. Þó hann sé ekki sammála aðgerðunum geti allir verið sammála um að bæta þurfi kjör þeirra lægst launuðu en efast um að launahækkanir séu leiðin til þess ef verðbólga taki við í kjölfarið. „Á síðasta kjarasamningatímabili hækkuðu laun að meðaltali um þrjátíu prósent, lægstu launin hækkuðu að meðaltali um fjörutíu prósent, kaupmáttur hefur hækkað fordæmalaust hérna á undanförnum árum og staðan er núna þannig að Ísland er með kaupmáttarleiðréttum samanburði með þriðju hæstu lágmarkslaun í OECD. Þegar maður segir kaupmáttarleiðrétt, þá er búið að taka inn í hvað kostar að lifa og það er jú það sem skiptir mestu máli.“ Hann segir launavísitölu hafa hækkað um 75% frá árinu 2010 og því hafi launakostnaður fyrirtækja hækkað í sama hlutfalli. Hann segir í ljósi þess ekki vera grundvöll til þess að grípa til aðgerða. „Verkföll munu ekki skapa verðmæti, það er mjög mikilvægt að gera sér grein fyrir því.“ Þá segir hann fólk þurfa að spyrja sig að því hver eigi að koma til með að greiða fyrir þessar launahækkanir og hverjum þær verða til góða. „Ég held að spurningin sem við verðum að svara hérna er: „Munu tugprósenta launahækkanir leiða til tugprósenta kaupmáttaraukningu fyrir fólk?“ því það er eina sem skiptir máli.“ Ferðamennska á Íslandi Kjaramál Sprengisandur Verkföll 2019 Tengdar fréttir Fyrsta degi verkfallsaðgerða lokið Verkfalli hótelþerna sem eru félagsmenn í Eflingu lauk nú á miðnætti. Þar með er fyrsta degi verkfallsaðgerða félagsins lokið. 9. mars 2019 00:03 Segir hótelin ofurseld VR og Eflingu Verkfallið í dag og fyrirhugaðar aðgerðir á næstu vikum og mánuðum eru þegar farnar að hafa verulega alvarleg áhrif að sögn Kristófers Oliverssonar, framkvæmdastjóra og eiganda Center Hotels og formanns Fyrirtækja í hótel- og gistiþjónustu. 8. mars 2019 19:37 Viðar segir að eitthvað hafi verið um verkfallsbrot Viðar Þorsteinsson, framkvæmdastjóri Eflingar, segir að eitthvað hafi verið um verkfallsbrot í dag en félagsmenn Eflingar sem starfa við þrif á hótelum lögðu niður störf klukkan tíu í morgun og stendur verkfallið til miðnættis. 8. mars 2019 17:12 Mest lesið Klara Baldursdóttir er látin Innlent Fimm frumvörp fjögurra ráðuneyta samþykkt Innlent Erlendur ferðamaður féll í Brúará Innlent „Erum ekki dúkkur sem Snorri getur sagt fyrir verkum“ Innlent Kýldi konu eftir kynmök: „Hvað, getur þú ekki meira?“ Innlent Þyrla Landhelgisgæslunnar kölluð út vegna göngumanns Innlent „Þegar fjármagnið klárast, þá klárast líka aðgengið“ Innlent Var fluttur óvart úr landi en er snúinn aftur Erlent „Kraftmiklar og afgerandi aðgerðir gegn skipulagðri brotastarfsemi“ Innlent Slævandi lyf og lágt sætisbak dráttarvélar orsakir banaslyss Innlent Fleiri fréttir Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Sjá meira
Jóhannes Þór Skúlason, framkvæmdarstjóri Samtaka ferðaþjónustunnar, segir komandi verkfallsaðgerðir leiða til „hamfara í ferðaþjónustunni“ og hann telur ekki vera grundvöll til staðar fyrir slíkum aðgerðum. Viðar Þorsteinsson, framkvæmdarstjóri Eflingar, og Jóhannes Þór ræddu komandi verkfallsaðgerðir í Sprengisandi í morgun. Fyrstu verkfallsaðgerðir hófust síðasta föstudag þegar um sjöhundruð félagsmenn Eflingar lögðu niður störf á hótelum borgarinnar. Viðar segist allt stefna í að frekari vinnustöðvanir verði samþykktar á meðal félagsmanna í ljósi þess að sú síðasta hafi verið samþykkt með yfir 90% atkvæða. Næstu aðgerðir munu beinast að fjörutíu stærstu hótelum á félagssvæðum Eflingar og VR á höfuðborgarsvæðinu og öllum hópbifreiðarfyrirtækjum.Verkfallið á föstudaginn forsmekkur fyrir því sem koma skal Fari svo að samningar náist ekki tekur við allsherjarverkfall frá og með 1. maí. Jóhannes Þór segir margt benda til þess að svo verði raunin. „Eins og staðan er núna verðum við einfaldlega að horfast í augu við það að það er líklegt að þetta gerist ef það verða engar snöggar vendingar á því sem er að gerast við samningaborðið.“ „Við erum náttúrulega að horfa inn í þá framtíð sem er ekkert sérstaklega falleg. Verkfallið sem var á föstudaginn var svona forsmekkur, eins dags verkfall þar sem fyrirtækin sem um ræddi voru búin að ná að undirbúa sig nokkuð vel og það hafi náðst að fara svona þokkalega í gegnum það, svona eins þokkalega og hægt var,“ sagði Jóhannes Þór en bætti við að það væri alltaf tap af slíkum aðgerðum. „Það sem við horfum fram á núna á næstunni, það er ekkert hægt að lýsa því öðruvísi en sem hamförum í ferðaþjónustunni.“Viðar Þorsteinsson, framkvæmdarstjóri Eflingar. Vísir/Vilhelm„Láglaunastefnan kostar“ Viðar segir fyrirtækin verða að horfast í augu við það að fyrirhugaðar aðgerðir séu afleiðingar þess að fólk hafi þurft að lifa á lægstu mögulegu launum í langan tíma með mikilli vinnu. Láglaunastefnan kosti þannig fyrirtækin alltaf á endanum. „Fólk á lægstu launum á Íslandi í dag, það getur einfaldlega ekki lifað af þeim og hefur þurft að búa við þessar afleiðingar og þær hægfara hamfarir sem það leiðir til fyrir vinnandi fólk að geta ekki framfleytt sér, að geta ekki boðið sjálfum sér og börnum sínum mannsæmandi líf.“ Þá segir hann verkfallsaðgerðirnar vel skipulagðar enda liggi það í augum uppi að þær séu til þess fallnar að þrýsta frekar á samningaviðræður. Hann efast um að það væri til sú aðgerðaráætlun sem SA og SAF myndi hugnast betur en önnur. „Við horfum að sjálfsögðu á það hvaða áhrif verkfallsaðgerðin hefur og það er mat sem við neyðumst til þess að gera, ákveðið herfræðilegt mat. Við horfum á hvað við eigum í okkar verkfallssjóðum og við horfum á það líka hversu margir einstaklingar fara í verkfallið og alla þessa þætti.“ Hann segir mikinn vilja hafa verið á meðal starfsmanna í ferðaþjónustunni að grípa til aðgerða. „Við horfum auðvitað líka á það að sumir geirar eru þess eðlis að þar er bara meiri vilji og fólk er tilbúnara í aðgerðirnar og það er eitthvað sem við höfum fundið mjög skýrt bæði hjá hópbifreiðarstjórunum og starfsfólki hótela í gegnum vinnustaðafundi og samskipti við trúnaðarmenn okkar á síðustu vikum og mánuðum, og í raun og veru síðasta árið.“ „Við finnum að þarna er hljómgrunnur, fólk er búið að fá nóg og er tilbúið að láta til sín taka,“ segir Viðar og bætir við að aðgerðin 8. mars hafi undirstrikað það mjög skýrt. Kristján bendir á að fleiri séu á markaðinum en einungis íslensk fyrirtæki og spyr hvort slíkar aðgerðir geti grafið undan félagsmönnum Eflingar. Viðar segir slíkt vel geta vera enda hafi hnattvæðingin ekki skilað miklum ábata fyrir verkafólk. „Ég held að við í verkalýðshreyfingunni ætlum nú ekki skyndilega að fara axla ábyrgð á þeirri tilhögun mála, hvernig kapítalisminn „fúnkerar“ og samkeppnisumhverfið,“ segir Viðar en bætir við að það hafi alltaf verið stefna verkalýðsfélaganna að taka skýra afstöðu gegn félagslegum undirboðum og það sama hafi verið upp á teningnum á meðal forsvarsmanna rútufyrirtækjanna.Verkföllin strax farin að valda tjóni „Þegar sagt er að verkföll eigi að bíta þá þýðir það einfaldlega að þau séu hönnuð til þess að valda tjóni,“ segir Jóhannes Þór. Þá segir hann aðgerðirnar strax farnar að valda tjóni þrátt fyrir að ekki sé búið að greiða atkvæði um þær og nefnir rútufyrirtæki sem strax sé búið að tapa um þrjátíu hópum. „Svona tjón hefur áhrif á margvíslegan máta og fyrir þetta fyrirtæki þýðir þetta einfaldlega að fimm störf bílstjóra tapast.“ Hann bætir við að verkföll séu hluti af vinnulöggjöfinni og réttur starfandi fólks. Þó hann sé ekki sammála aðgerðunum geti allir verið sammála um að bæta þurfi kjör þeirra lægst launuðu en efast um að launahækkanir séu leiðin til þess ef verðbólga taki við í kjölfarið. „Á síðasta kjarasamningatímabili hækkuðu laun að meðaltali um þrjátíu prósent, lægstu launin hækkuðu að meðaltali um fjörutíu prósent, kaupmáttur hefur hækkað fordæmalaust hérna á undanförnum árum og staðan er núna þannig að Ísland er með kaupmáttarleiðréttum samanburði með þriðju hæstu lágmarkslaun í OECD. Þegar maður segir kaupmáttarleiðrétt, þá er búið að taka inn í hvað kostar að lifa og það er jú það sem skiptir mestu máli.“ Hann segir launavísitölu hafa hækkað um 75% frá árinu 2010 og því hafi launakostnaður fyrirtækja hækkað í sama hlutfalli. Hann segir í ljósi þess ekki vera grundvöll til þess að grípa til aðgerða. „Verkföll munu ekki skapa verðmæti, það er mjög mikilvægt að gera sér grein fyrir því.“ Þá segir hann fólk þurfa að spyrja sig að því hver eigi að koma til með að greiða fyrir þessar launahækkanir og hverjum þær verða til góða. „Ég held að spurningin sem við verðum að svara hérna er: „Munu tugprósenta launahækkanir leiða til tugprósenta kaupmáttaraukningu fyrir fólk?“ því það er eina sem skiptir máli.“
Ferðamennska á Íslandi Kjaramál Sprengisandur Verkföll 2019 Tengdar fréttir Fyrsta degi verkfallsaðgerða lokið Verkfalli hótelþerna sem eru félagsmenn í Eflingu lauk nú á miðnætti. Þar með er fyrsta degi verkfallsaðgerða félagsins lokið. 9. mars 2019 00:03 Segir hótelin ofurseld VR og Eflingu Verkfallið í dag og fyrirhugaðar aðgerðir á næstu vikum og mánuðum eru þegar farnar að hafa verulega alvarleg áhrif að sögn Kristófers Oliverssonar, framkvæmdastjóra og eiganda Center Hotels og formanns Fyrirtækja í hótel- og gistiþjónustu. 8. mars 2019 19:37 Viðar segir að eitthvað hafi verið um verkfallsbrot Viðar Þorsteinsson, framkvæmdastjóri Eflingar, segir að eitthvað hafi verið um verkfallsbrot í dag en félagsmenn Eflingar sem starfa við þrif á hótelum lögðu niður störf klukkan tíu í morgun og stendur verkfallið til miðnættis. 8. mars 2019 17:12 Mest lesið Klara Baldursdóttir er látin Innlent Fimm frumvörp fjögurra ráðuneyta samþykkt Innlent Erlendur ferðamaður féll í Brúará Innlent „Erum ekki dúkkur sem Snorri getur sagt fyrir verkum“ Innlent Kýldi konu eftir kynmök: „Hvað, getur þú ekki meira?“ Innlent Þyrla Landhelgisgæslunnar kölluð út vegna göngumanns Innlent „Þegar fjármagnið klárast, þá klárast líka aðgengið“ Innlent Var fluttur óvart úr landi en er snúinn aftur Erlent „Kraftmiklar og afgerandi aðgerðir gegn skipulagðri brotastarfsemi“ Innlent Slævandi lyf og lágt sætisbak dráttarvélar orsakir banaslyss Innlent Fleiri fréttir Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Sjá meira
Fyrsta degi verkfallsaðgerða lokið Verkfalli hótelþerna sem eru félagsmenn í Eflingu lauk nú á miðnætti. Þar með er fyrsta degi verkfallsaðgerða félagsins lokið. 9. mars 2019 00:03
Segir hótelin ofurseld VR og Eflingu Verkfallið í dag og fyrirhugaðar aðgerðir á næstu vikum og mánuðum eru þegar farnar að hafa verulega alvarleg áhrif að sögn Kristófers Oliverssonar, framkvæmdastjóra og eiganda Center Hotels og formanns Fyrirtækja í hótel- og gistiþjónustu. 8. mars 2019 19:37
Viðar segir að eitthvað hafi verið um verkfallsbrot Viðar Þorsteinsson, framkvæmdastjóri Eflingar, segir að eitthvað hafi verið um verkfallsbrot í dag en félagsmenn Eflingar sem starfa við þrif á hótelum lögðu niður störf klukkan tíu í morgun og stendur verkfallið til miðnættis. 8. mars 2019 17:12