„Forseti þingsins misnotar stöðu sína sem þingforseti“ Sunna Sæmundsdóttir og Andri Eysteinsson skrifa 21. janúar 2019 22:56 Forseti Alþingis segir það hafið yfir allan vafa að þinginu sé heimilt að skipa nýja forsætisnefnd sem á að fjalla um Klaustursmálið. Sigmundur Davíð Gunnlaugsson telur fyrirkomulagið stangast á við þingskaparlög. Staðan í stjórnmálum var til umræðu á Alþingi í dag á fyrsta þingfundi eftir jólaleyfi. Líkt og í fyrra hófust þingstörf með umræðum um stöðuna í stjórnmálum og steig forystufólk allra flokka í pontu. Þingmennirnir Karl Gauti Hjaltason og Ólafur Ísleifsson sem eru utan flokka eftir að hafa verið vísað úr Flokki Fólksins, gerðu athugasemd við að hafa ekki verið úthlutað ræðutíma. „Við þessa stjórnmálaumræðu er okkur ekki úthlutað ein einasta mínúta. Þetta er óboðlegt herra forseti,“ sagði Karl Gauti Hjaltason í pontu Alþingis í dag.Karl Gauti Hjaltason og Ólafur Ísleifsson, fyrrverandi þingmenn Flokks fólksins.Vísir/Friðrik Þór HalldórssonBergþór Ólason og Gunnar Bragi Sveinsson þingmenn miðflokksins eru enn í ótímabundnu leyfi. Hafa þeir engu svarað um mögulega endurkomu. Þá er Ágúst Ólafur Ágústsson, þingmaður Samfylkingar, enn í tveggja mánaða leyfi, Ágúst ætti samkvæmt því að snúa aftur í byrjun febrúar. Á fundi forsætisnefndar í dag var tekið fyrir nafnlaust erindi um að máli hans yrði vísað til siðanefndar og verður það tekið fyrir á næsta fundi nefndarinnar í næstu viku. Til þess að afgreiða megi Klaustursmálið til siðanefndar þarf að skipa nýja forsætisnefnd, þar sem að allir nefndarmenn hafa lýst yfir eigin vanhæfi vegna fyrri ummæla um málið.Sakaði forseta Alþingis um hefndarþorsta Sigmundur Davíð Gunnlaugsson, formaður Miðflokksins, skrifaði grein í Morgunblaðið í dag og sagði fyrirkomulagið stangast á við þingskapalög og sakaði forseta Alþingis um hefndarþorsta. Forseti Alþingis segir að tillaga um skipan tveggja til þriggja þingmanna nefndar verði að líkum borin fyrir þingið á morgun eða á næstu dögum. Tveir þriðju hlutar þingsins þurfa að samþykkja hana. „Þetta eiga allir háttvirtir þingmenn að þekkja, það er skýrt ákvæði um að það er í höndum Alþingis sjálfs ef það svo kýs, að víkja eitthvað frá sínum lögbundnu þingsköpum. Það er litið á það sem hluta af sjálfstæði Alþingis í sínum störfum“ sagði Steingrímur J. Sigfússon forseti Alþingis í viðtali við Stöð 2 í dag.Hann [Sigmundur Davíð] sakar þig um hefndarþorsta, vilt þú bregðast við því?„Ég tjái mig ekkert um slíkt, ég er bara að sinna skyldum mínum sem forseti Alþingis,“ sagði Steingrímur J. Sigfússon.Gunnar Bragi Sveinsson og Bergþór Ólason voru á alræmdum hittingi nokkurra þingmanna á Klaustur Bar þann 20. nóvember.Vísir„Forseti þingsins er að misnota stöðu sína“ Sunna Sæmundsdóttir var stödd á Alþingi í dag og ræddi þar við Sigmund Davíð Gunnlaugsson, formann Miðflokksins.Sigmundur, þú skrifar þessa heljarinnar grein í Morgunblaðið í dag og vísar í lögbrot en í þingskapalögum er augljós heimild til þess að víkja frá þingsköpum, hvers vegna heldur þú þessu fram?„Ég las einmitt mjög sérkennilega grein á vefmiðli í dag, sérkennilega að mörgu leyti, aðallega fyrir það að fréttamaðurinn sjálfur er bara að lýsa sinni skoðun á þingsköpum. Það var nú ýmis misskilningur í því, enda heldur maður ekki einhverju fram án þess að vita út á hvað það gengur. Þetta ákvæði, þessi heimild til að víkja frá þingsköpum, er mjög gamalt ákvæði og snýst um meðferð mála í þinginu, að geta komið málum þar hraðar í gegn,“ sagði Sigmundur.En það er til staðar?„Akkúrat, það er til staðar, en það snýst um það. Það snýst ekki um að þingið geti bara ákveðið að líta fram hjá lögum og gera eitthvað allt annað. Eftir að þetta ákvæði var sett hafa hvað eftir annað komið ný ákvæði sem taka þessu fram varðandi það einmitt hvernig nefndir eru skipaðar. Öll þau ákvæði ganga út á það að verja minnihluta og koma í veg fyrir að menn misnoti stöðu sína í meirihluta, til þess einmitt að níðast á einhverjum minnihluta“Telur þú að sé verið að misnota einhverja stöðu hér?„Tvímælalaust, forseti þingsins er að misnota stöðu sína sem þingforseti“Jafnvel þó hann styðjist við lög?„Hann styðst ekki við lög, hann er að reyna að nota ákvæði sem er ætlað í allt aðra hluti til þess einfaldlega að líta fram hjá lögum. Ef að sú væri raunin, þá gæti þingið bara ákveðið það, með slíku ákvæði, að líta fram hjá lögum almennt og til hvers þyrftum við þá þessi lög?“Örstutt í lokin, Bergþór Ólason og Gunnar Bragi Sveinsson munu þeir snúa aftur til þingstarfa?„Þeir meta það sjálfir, það hefur legið fyrir frá upphafi, hvenær þeir eru tilbúnir í það. Það verður mjög áhugavert að sjá hversu langt forseti þingsins gengur í vegferð sinni því eitt er þó skýrt í lögunum, áhugavert að þessu leyti.“ „Ef það á að kjósa nýja fulltrúa í forsætisnefnd, þá þarf þar með öll forsætisnefndin að segja af sér. Við fáum þá nýja forsætisnefnd sem er kannski bara ágætt, sagði Sigmundur Davíð Gunnlaugsson formaður Miðflokksins. Stj.mál Upptökur á Klaustur bar Tengdar fréttir Fullyrðingar Sigmundar um brot á þingskaparlögum standast ekki Sigmundur Davíð Gunnlaugsson, formaður Miðflokksins, telur kosningu nýrrar forsætisnefndar Alþingis til að fjalla um Klaustursmálið stangast á við lög um þingsköp á „víðtækan hátt.“ Til stendur að kjósa forsætisnefndina þegar leitað hefur verið afbrigða eins og skýr heimild er fyrir í þingskaparlögum. 21. janúar 2019 13:30 Mest lesið Vill tollalaus viðskipti við Evrópu Erlent Veitingahús vilji ekki bara ráða ófaglært starfsfólk Innlent Tveir unnu tæpar 80 milljónir hvor Innlent „Þetta verður ekki auðvelt“ Erlent Reynst erfitt að laga tvígreiðsluvillu en gefast ekki upp Innlent Þúsund sinnum sterkara en morfín og erfitt að þekkja Innlent Átta ára sæmd heiðursmerki fyrir að bjarga lífi móður sinnar Innlent Sektaður fyrir of stutt bil milli bíla Innlent Sá eini fagmenntaði missti vinnuna Innlent Þyrla ferjaði vistir fyrir fjallgönguhóp Ratcliffe Innlent Fleiri fréttir Veitingahús vilji ekki bara ráða ófaglært starfsfólk Reynst erfitt að laga tvígreiðsluvillu en gefast ekki upp Tveir unnu tæpar 80 milljónir hvor Vísa kjaradeilunni til ríkissáttasemjara 32 Úkraínubúar á íslenskunámskeið á Selfossi Sektaður fyrir of stutt bil milli bíla Þúsund sinnum sterkara en morfín og erfitt að þekkja Þúsund sinnum sterkara en morfín og safnað fyrir Kvennaathvarfi Ríkissaksóknari hefur óskað eftir áfrýjunarleyfi til Hæstaréttar Vill að flugumferð verði beint frá loftrými kirkjunnar á meðan þau flytja Bach Átta ára sæmd heiðursmerki fyrir að bjarga lífi móður sinnar Setja skorður á tjáningu meðlima til að „kæla aðeins niður hitann“ Tæknidagur fjölskyldunnar er í Neskaupstað í dag Ekki mikill sparnaður í að segja upp fagfólki Óbeit ungra drengja á trans fólki áhyggjuefni Menntaðir þjónar sniðgengnir og óbeit ungra drengja á trans fólki Óttast að efnið sé þegar komið í dreifingu á Íslandi Landris hafið og enn dregur úr skjálftavirkni Þyrla ferjaði vistir fyrir fjallgönguhóp Ratcliffe Mannúðarmál að fangar fái að afplána í sínu heimalandi Sá eini fagmenntaði missti vinnuna Fangageymslur fullar eftir nóttina Kviknaði í gömlum bústað við Rauðavatn „Kynjafræði er pólitísk í eðli sínu“ Vilja fækka leyfilegum fjölda borgarfulltrúa Segir mjög litlar líkur á öðru gosi á næstunni „Allt sem er innan velsæmismarka verður tekið til greina“ Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn Sjá meira
Forseti Alþingis segir það hafið yfir allan vafa að þinginu sé heimilt að skipa nýja forsætisnefnd sem á að fjalla um Klaustursmálið. Sigmundur Davíð Gunnlaugsson telur fyrirkomulagið stangast á við þingskaparlög. Staðan í stjórnmálum var til umræðu á Alþingi í dag á fyrsta þingfundi eftir jólaleyfi. Líkt og í fyrra hófust þingstörf með umræðum um stöðuna í stjórnmálum og steig forystufólk allra flokka í pontu. Þingmennirnir Karl Gauti Hjaltason og Ólafur Ísleifsson sem eru utan flokka eftir að hafa verið vísað úr Flokki Fólksins, gerðu athugasemd við að hafa ekki verið úthlutað ræðutíma. „Við þessa stjórnmálaumræðu er okkur ekki úthlutað ein einasta mínúta. Þetta er óboðlegt herra forseti,“ sagði Karl Gauti Hjaltason í pontu Alþingis í dag.Karl Gauti Hjaltason og Ólafur Ísleifsson, fyrrverandi þingmenn Flokks fólksins.Vísir/Friðrik Þór HalldórssonBergþór Ólason og Gunnar Bragi Sveinsson þingmenn miðflokksins eru enn í ótímabundnu leyfi. Hafa þeir engu svarað um mögulega endurkomu. Þá er Ágúst Ólafur Ágústsson, þingmaður Samfylkingar, enn í tveggja mánaða leyfi, Ágúst ætti samkvæmt því að snúa aftur í byrjun febrúar. Á fundi forsætisnefndar í dag var tekið fyrir nafnlaust erindi um að máli hans yrði vísað til siðanefndar og verður það tekið fyrir á næsta fundi nefndarinnar í næstu viku. Til þess að afgreiða megi Klaustursmálið til siðanefndar þarf að skipa nýja forsætisnefnd, þar sem að allir nefndarmenn hafa lýst yfir eigin vanhæfi vegna fyrri ummæla um málið.Sakaði forseta Alþingis um hefndarþorsta Sigmundur Davíð Gunnlaugsson, formaður Miðflokksins, skrifaði grein í Morgunblaðið í dag og sagði fyrirkomulagið stangast á við þingskapalög og sakaði forseta Alþingis um hefndarþorsta. Forseti Alþingis segir að tillaga um skipan tveggja til þriggja þingmanna nefndar verði að líkum borin fyrir þingið á morgun eða á næstu dögum. Tveir þriðju hlutar þingsins þurfa að samþykkja hana. „Þetta eiga allir háttvirtir þingmenn að þekkja, það er skýrt ákvæði um að það er í höndum Alþingis sjálfs ef það svo kýs, að víkja eitthvað frá sínum lögbundnu þingsköpum. Það er litið á það sem hluta af sjálfstæði Alþingis í sínum störfum“ sagði Steingrímur J. Sigfússon forseti Alþingis í viðtali við Stöð 2 í dag.Hann [Sigmundur Davíð] sakar þig um hefndarþorsta, vilt þú bregðast við því?„Ég tjái mig ekkert um slíkt, ég er bara að sinna skyldum mínum sem forseti Alþingis,“ sagði Steingrímur J. Sigfússon.Gunnar Bragi Sveinsson og Bergþór Ólason voru á alræmdum hittingi nokkurra þingmanna á Klaustur Bar þann 20. nóvember.Vísir„Forseti þingsins er að misnota stöðu sína“ Sunna Sæmundsdóttir var stödd á Alþingi í dag og ræddi þar við Sigmund Davíð Gunnlaugsson, formann Miðflokksins.Sigmundur, þú skrifar þessa heljarinnar grein í Morgunblaðið í dag og vísar í lögbrot en í þingskapalögum er augljós heimild til þess að víkja frá þingsköpum, hvers vegna heldur þú þessu fram?„Ég las einmitt mjög sérkennilega grein á vefmiðli í dag, sérkennilega að mörgu leyti, aðallega fyrir það að fréttamaðurinn sjálfur er bara að lýsa sinni skoðun á þingsköpum. Það var nú ýmis misskilningur í því, enda heldur maður ekki einhverju fram án þess að vita út á hvað það gengur. Þetta ákvæði, þessi heimild til að víkja frá þingsköpum, er mjög gamalt ákvæði og snýst um meðferð mála í þinginu, að geta komið málum þar hraðar í gegn,“ sagði Sigmundur.En það er til staðar?„Akkúrat, það er til staðar, en það snýst um það. Það snýst ekki um að þingið geti bara ákveðið að líta fram hjá lögum og gera eitthvað allt annað. Eftir að þetta ákvæði var sett hafa hvað eftir annað komið ný ákvæði sem taka þessu fram varðandi það einmitt hvernig nefndir eru skipaðar. Öll þau ákvæði ganga út á það að verja minnihluta og koma í veg fyrir að menn misnoti stöðu sína í meirihluta, til þess einmitt að níðast á einhverjum minnihluta“Telur þú að sé verið að misnota einhverja stöðu hér?„Tvímælalaust, forseti þingsins er að misnota stöðu sína sem þingforseti“Jafnvel þó hann styðjist við lög?„Hann styðst ekki við lög, hann er að reyna að nota ákvæði sem er ætlað í allt aðra hluti til þess einfaldlega að líta fram hjá lögum. Ef að sú væri raunin, þá gæti þingið bara ákveðið það, með slíku ákvæði, að líta fram hjá lögum almennt og til hvers þyrftum við þá þessi lög?“Örstutt í lokin, Bergþór Ólason og Gunnar Bragi Sveinsson munu þeir snúa aftur til þingstarfa?„Þeir meta það sjálfir, það hefur legið fyrir frá upphafi, hvenær þeir eru tilbúnir í það. Það verður mjög áhugavert að sjá hversu langt forseti þingsins gengur í vegferð sinni því eitt er þó skýrt í lögunum, áhugavert að þessu leyti.“ „Ef það á að kjósa nýja fulltrúa í forsætisnefnd, þá þarf þar með öll forsætisnefndin að segja af sér. Við fáum þá nýja forsætisnefnd sem er kannski bara ágætt, sagði Sigmundur Davíð Gunnlaugsson formaður Miðflokksins.
Stj.mál Upptökur á Klaustur bar Tengdar fréttir Fullyrðingar Sigmundar um brot á þingskaparlögum standast ekki Sigmundur Davíð Gunnlaugsson, formaður Miðflokksins, telur kosningu nýrrar forsætisnefndar Alþingis til að fjalla um Klaustursmálið stangast á við lög um þingsköp á „víðtækan hátt.“ Til stendur að kjósa forsætisnefndina þegar leitað hefur verið afbrigða eins og skýr heimild er fyrir í þingskaparlögum. 21. janúar 2019 13:30 Mest lesið Vill tollalaus viðskipti við Evrópu Erlent Veitingahús vilji ekki bara ráða ófaglært starfsfólk Innlent Tveir unnu tæpar 80 milljónir hvor Innlent „Þetta verður ekki auðvelt“ Erlent Reynst erfitt að laga tvígreiðsluvillu en gefast ekki upp Innlent Þúsund sinnum sterkara en morfín og erfitt að þekkja Innlent Átta ára sæmd heiðursmerki fyrir að bjarga lífi móður sinnar Innlent Sektaður fyrir of stutt bil milli bíla Innlent Sá eini fagmenntaði missti vinnuna Innlent Þyrla ferjaði vistir fyrir fjallgönguhóp Ratcliffe Innlent Fleiri fréttir Veitingahús vilji ekki bara ráða ófaglært starfsfólk Reynst erfitt að laga tvígreiðsluvillu en gefast ekki upp Tveir unnu tæpar 80 milljónir hvor Vísa kjaradeilunni til ríkissáttasemjara 32 Úkraínubúar á íslenskunámskeið á Selfossi Sektaður fyrir of stutt bil milli bíla Þúsund sinnum sterkara en morfín og erfitt að þekkja Þúsund sinnum sterkara en morfín og safnað fyrir Kvennaathvarfi Ríkissaksóknari hefur óskað eftir áfrýjunarleyfi til Hæstaréttar Vill að flugumferð verði beint frá loftrými kirkjunnar á meðan þau flytja Bach Átta ára sæmd heiðursmerki fyrir að bjarga lífi móður sinnar Setja skorður á tjáningu meðlima til að „kæla aðeins niður hitann“ Tæknidagur fjölskyldunnar er í Neskaupstað í dag Ekki mikill sparnaður í að segja upp fagfólki Óbeit ungra drengja á trans fólki áhyggjuefni Menntaðir þjónar sniðgengnir og óbeit ungra drengja á trans fólki Óttast að efnið sé þegar komið í dreifingu á Íslandi Landris hafið og enn dregur úr skjálftavirkni Þyrla ferjaði vistir fyrir fjallgönguhóp Ratcliffe Mannúðarmál að fangar fái að afplána í sínu heimalandi Sá eini fagmenntaði missti vinnuna Fangageymslur fullar eftir nóttina Kviknaði í gömlum bústað við Rauðavatn „Kynjafræði er pólitísk í eðli sínu“ Vilja fækka leyfilegum fjölda borgarfulltrúa Segir mjög litlar líkur á öðru gosi á næstunni „Allt sem er innan velsæmismarka verður tekið til greina“ Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn Sjá meira
Fullyrðingar Sigmundar um brot á þingskaparlögum standast ekki Sigmundur Davíð Gunnlaugsson, formaður Miðflokksins, telur kosningu nýrrar forsætisnefndar Alþingis til að fjalla um Klaustursmálið stangast á við lög um þingsköp á „víðtækan hátt.“ Til stendur að kjósa forsætisnefndina þegar leitað hefur verið afbrigða eins og skýr heimild er fyrir í þingskaparlögum. 21. janúar 2019 13:30