GameTíví prófar PUBG á PlayStation 4

Þeir Óli Jóels og Tryggvi Haraldur Georgsson tóku sig til á dögunum og spiluðu PlayerUnknown‘s Battlegrounds eða PUBG, sem kom nýverið út á PlayStation 4. Leikurinn hefur getið sér gott orð á PC og Xbox One þar sem allt að hundrað spilarar etja kappi sín á milli um hver getur staðið síðastur eftir.

Tryggvi hefur spilað leikinn á PC og þykir nokkuð góður, þó hann fái minna af aðdáendapósti en hann telur sig eiga skilið. Til að byrja með var hann ekki vongóður um að hann muni standa sig eins og hetja í PlayStation.