Fín byrjun hjá Ólafíu

Ólafía Þórunn Kristinsdóttir, atvinnukylfingur, spilaði ágætlega á fyrsta hring á Indy-mótinu sem er hluti af LPGA-mótaröðinni. Ólafía þekkir mótið vel.

Eins og Vísir greindi frá fyrr í kvöld var spilamennska Ólafía á fyrri níu holunum til fyrirmyndar. Hún spilaði þær á einu höggi undir pari og var í sóknarfæri fyrir síðari níu.

Þær byrjuðu ekki vel því strax á tíundu holunni fékk Ólafía skolla og var aftur komin á parið. Í kjölfarið fylgdu fimm pör en aftur komst hún á einn undir er hún fékk fugl á sextándu holunni.

Á sautjándu og átjándu fékk Ólafía svo par þannig að hún endaði hringinn á einu höggi undir pari, samtals 71 höggi, og er því í 83. sæti fyrir morgundaginn.