Keflavík fær tvo leikmenn á láni

Keflavík hefur fengið til sín tvo nýja leikmenn fyrir komandi átök í botnbaráttunni í Pepsi deildinni.

 

Ekkert hefur gengið hjá Keflavík í Pepsi deildinni í sumar en liðið hefur ekki unnið leik í deildinni. Félagið rak einnig Guðlaug Baldursson fyrir nokkrum vikum.

 

Félagið hefur nú fengið til sín þá Ágúst Leó Björnsson og Ivan Aleksic.

 

Ágúst er 21 árs sóknarmaður en hann kemur á láni frá ÍBV út tímabilið. Ivan Aleksic er hinsvegar 24 ára en hann kemur á láni frá KR út tímabilið. Ivan á að baki sér landsleiki fyrir yngri landslið Króatíu.