Meðal bestu Evrópuúrslitanna Ingvi Þór Sæmundsson skrifar 13. júlí 2018 09:30 Eiður Aron Sigurbjörnsson skorar hér sigurmark Valsmanna á móti Rosenborg. Vísir/Bára Mark Eyjamannsins Eiðs Arons Sigurbjörnssonar sex mínútum fyrir leikslok tryggði Íslandsmeisturum Vals sigur á Noregsmeisturum Rosenborg í fyrradag. Þetta var fyrri leikur liðanna í 1. umferð forkeppni Meistaradeildar Evrópu. Sá seinni fer fram á Lerkendal Stadion í Þrándheimi 18. júlí. Sigurvegarinn í einvíginu mætir að öllum líkindum Celtic í næstu umferð. Lið Rosenborg er gríðarlega sterkt og hefur orðið norskur meistari þrjú ár í röð. Sigur Vals er því afar eftirtektarverður og má setja í hóp með bestu úrslitum sem íslenskt lið hefur náð í Evrópukeppni. Valur er annað íslenska liðið sem vinnur Rosenborg en Breiðablik vann norska liðið 2-0 á heimavelli sumarið 2011, eftir að hafa tapað fyrri leiknum 5-0.Nokkur náð góðum úrslitum Sigur Vals á Rosenborg kemur 30 árum eftir að Valsmenn náðu sínum bestu úrslitum í Evrópukeppni; þegar liðið vann 1-0 sigur á Frakklandsmeisturum Monaco. Þá eru 50 ár síðan Valur gerði markalaust jafntefli við Eusébio og félaga í Benfica fyrir framan metfjölda áhorfenda á Laugardalsvellinum. FH, Stjarnan, Breiðablik og KR hafa náð ágætis úrslitum í Evrópukeppnum síðasta áratuginn en nú gæti röðin verið komin að Val sem hafði fyrir leikinn á miðvikudaginn aðeins unnið einn af síðustu 12 Evrópuleikjum sínum. Verkefnið í Þrándheimi verður ærið en Valsmenn fara þangað með eins marks forskot. Jafnvel þótt Valur falli úr leik fer liðið í 2. umferð forkeppni Evrópudeildarinnar þar sem það mætir Santa Coloma frá Andorra. Valsmenn eiga því að minnsta kosti þrjá Evrópuleiki eftir í sumar.Valur 2-1 Nantes, 1985 Tvö mörk Guðmundar Þorbjörnssonar tryggðu nýkrýndum Íslandsmeisturum Vals sigur á Nantes á Laugardalsvellinum í fyrri leik liðanna í 1. umferð UEFA-bikarsins haustið 1985. Vorið áður hafði Nantes endað í 2. sæti frönsku úrvalsdeildarinnar og hafði sterku liði á að skipa. Innan raða þess var meðal annarra Jorge Burruchaga sem tryggði Argentínu heimsmeistaratitilinn 1986. Nantes vann seinni leikinn gegn Val með þremur mörkum gegn engu og fór svo alla leið í 8-liða úrslit keppninnar þar sem franska liðið féll úr leik fyrir Inter.Valur 1-0 Monaco, 1988 Í septemberbyrjun 1988 vann Valur 1-0 sigur á Frakklandsmeisturum Monaco í 1. umferð Evrópukeppni meistaraliða. Atli Eðvaldsson skoraði eina mark leiksins á 55. mínútu. Þjálfari Monaco á þessum tíma var Arsene Wenger og í liðinu voru leikmenn á borð við Glenn Hoddle, Manuel Amoros, Jean-Luc Ettori og Patrick Battiston. Monaco vann seinni leikinn á sínum heimavelli 2-0. Seinna mark franska liðsins skoraði Líberíumaðurinn George Weah sem fékk Gullboltann sjö árum seinna. Monaco komst í 8-liða úrslit keppninnar þar sem liðið tapaði fyrir Galatasary.ÍA 1-0 Feyenoord, 1993 Lið ÍA árið 1993 er að margra mati talið það besta í íslenskri fótboltasögu. Skagamenn urðu Íslandsmeistarar með yfirburðum og bikarmeistarar að auki. Í 2. umferð forkeppni Meistaradeildar Evrópu mætti ÍA Hollandsmeisturum Feyenoord sem tvíburarnir frá Akranesi, Arnar og Bjarki Gunnlaugssynir, léku með. Skagamenn gerðu sér lítið fyrir og unnu fyrri leikinn á Laugardalsvellinum með frægu skallamarki Ólafs Þórðarsonar stundarfjórðungi fyrir leikslok. Í seinni leiknum í Rotterdam reyndist Feyenoord sterkari og vann 3-0 sigurStjarnan 1-0 Lech Poznan 2014 Stjörnumenn tóku í fyrsta sinn þátt í Evrópukeppni sumarið 2014 og úr varð mikið ævintýri. Hápunkturinn á því var 1-0 sigurinn á pólska liðinu Lech Poznan sem hafði þremur árum áður komist í 16-liða úrslit Evrópudeildarinnar. Rolf Toft skoraði sigurmarkið. Seinni leikurinn í Póllandi endaði með markalausu jafntefli og Stjarnan fór því áfram og varð fyrsta íslenska liðið til að vinna þrjú Evrópueinvígi á sama tímabilinu. Í umspili um sæti í riðlakeppni Evrópudeildarinnar mætti Stjarnan ítalska stórveldinu Inter sem vann Garðabæjarliðið samanlagt 9-0. Íslenski boltinn Mest lesið „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira
Mark Eyjamannsins Eiðs Arons Sigurbjörnssonar sex mínútum fyrir leikslok tryggði Íslandsmeisturum Vals sigur á Noregsmeisturum Rosenborg í fyrradag. Þetta var fyrri leikur liðanna í 1. umferð forkeppni Meistaradeildar Evrópu. Sá seinni fer fram á Lerkendal Stadion í Þrándheimi 18. júlí. Sigurvegarinn í einvíginu mætir að öllum líkindum Celtic í næstu umferð. Lið Rosenborg er gríðarlega sterkt og hefur orðið norskur meistari þrjú ár í röð. Sigur Vals er því afar eftirtektarverður og má setja í hóp með bestu úrslitum sem íslenskt lið hefur náð í Evrópukeppni. Valur er annað íslenska liðið sem vinnur Rosenborg en Breiðablik vann norska liðið 2-0 á heimavelli sumarið 2011, eftir að hafa tapað fyrri leiknum 5-0.Nokkur náð góðum úrslitum Sigur Vals á Rosenborg kemur 30 árum eftir að Valsmenn náðu sínum bestu úrslitum í Evrópukeppni; þegar liðið vann 1-0 sigur á Frakklandsmeisturum Monaco. Þá eru 50 ár síðan Valur gerði markalaust jafntefli við Eusébio og félaga í Benfica fyrir framan metfjölda áhorfenda á Laugardalsvellinum. FH, Stjarnan, Breiðablik og KR hafa náð ágætis úrslitum í Evrópukeppnum síðasta áratuginn en nú gæti röðin verið komin að Val sem hafði fyrir leikinn á miðvikudaginn aðeins unnið einn af síðustu 12 Evrópuleikjum sínum. Verkefnið í Þrándheimi verður ærið en Valsmenn fara þangað með eins marks forskot. Jafnvel þótt Valur falli úr leik fer liðið í 2. umferð forkeppni Evrópudeildarinnar þar sem það mætir Santa Coloma frá Andorra. Valsmenn eiga því að minnsta kosti þrjá Evrópuleiki eftir í sumar.Valur 2-1 Nantes, 1985 Tvö mörk Guðmundar Þorbjörnssonar tryggðu nýkrýndum Íslandsmeisturum Vals sigur á Nantes á Laugardalsvellinum í fyrri leik liðanna í 1. umferð UEFA-bikarsins haustið 1985. Vorið áður hafði Nantes endað í 2. sæti frönsku úrvalsdeildarinnar og hafði sterku liði á að skipa. Innan raða þess var meðal annarra Jorge Burruchaga sem tryggði Argentínu heimsmeistaratitilinn 1986. Nantes vann seinni leikinn gegn Val með þremur mörkum gegn engu og fór svo alla leið í 8-liða úrslit keppninnar þar sem franska liðið féll úr leik fyrir Inter.Valur 1-0 Monaco, 1988 Í septemberbyrjun 1988 vann Valur 1-0 sigur á Frakklandsmeisturum Monaco í 1. umferð Evrópukeppni meistaraliða. Atli Eðvaldsson skoraði eina mark leiksins á 55. mínútu. Þjálfari Monaco á þessum tíma var Arsene Wenger og í liðinu voru leikmenn á borð við Glenn Hoddle, Manuel Amoros, Jean-Luc Ettori og Patrick Battiston. Monaco vann seinni leikinn á sínum heimavelli 2-0. Seinna mark franska liðsins skoraði Líberíumaðurinn George Weah sem fékk Gullboltann sjö árum seinna. Monaco komst í 8-liða úrslit keppninnar þar sem liðið tapaði fyrir Galatasary.ÍA 1-0 Feyenoord, 1993 Lið ÍA árið 1993 er að margra mati talið það besta í íslenskri fótboltasögu. Skagamenn urðu Íslandsmeistarar með yfirburðum og bikarmeistarar að auki. Í 2. umferð forkeppni Meistaradeildar Evrópu mætti ÍA Hollandsmeisturum Feyenoord sem tvíburarnir frá Akranesi, Arnar og Bjarki Gunnlaugssynir, léku með. Skagamenn gerðu sér lítið fyrir og unnu fyrri leikinn á Laugardalsvellinum með frægu skallamarki Ólafs Þórðarsonar stundarfjórðungi fyrir leikslok. Í seinni leiknum í Rotterdam reyndist Feyenoord sterkari og vann 3-0 sigurStjarnan 1-0 Lech Poznan 2014 Stjörnumenn tóku í fyrsta sinn þátt í Evrópukeppni sumarið 2014 og úr varð mikið ævintýri. Hápunkturinn á því var 1-0 sigurinn á pólska liðinu Lech Poznan sem hafði þremur árum áður komist í 16-liða úrslit Evrópudeildarinnar. Rolf Toft skoraði sigurmarkið. Seinni leikurinn í Póllandi endaði með markalausu jafntefli og Stjarnan fór því áfram og varð fyrsta íslenska liðið til að vinna þrjú Evrópueinvígi á sama tímabilinu. Í umspili um sæti í riðlakeppni Evrópudeildarinnar mætti Stjarnan ítalska stórveldinu Inter sem vann Garðabæjarliðið samanlagt 9-0.
Íslenski boltinn Mest lesið „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira