Rúnar og Ragnhildur unnu Origo-bikarinn

Rúnar Arnórsson og Ragnhildur Kristinsdóttir eru Íslandsmeistarar í holukeppni, Origo-bikarnum. Bæði voru þau að vinna þennan titil í fyrsta skipti.

Keppni fór fram á Hólmsvelli í Leiru um helgina. Rúnar, sem keppir fyrir Keili, hafði betur gegn Birgi Magnússyni 3/2 í úrslitunum. Ragnhildur spilaði til úrslita gegn Helgu Krístínu Einarsdóttur og vann 2/1. Ragnhildur er úr Golfklúbbi Reykjavíkur.

Rúnar vann allar sex viðureignir sínar í keppninni líkt og Ragnhildur.

Úrslit karla:

Rúnar Arnórsson (GK) - Birgir Björn Magnússon (GK)

*Rúnar sigraði 3/2.

Leikur um 3. sæti karlar:

Ingvar Andri Magnússon (GKG) - Andri Már Óskarsson

*Ingvar Andri sigraði 3/2.

Úrslit kvenna:

Ragnhildur Kristinsdóttir (GR) - Kristín Helga Einarsdóttir (GK)

*Ragnhildur sigraði 2/1.

Leikur um 3. sætið konur:

Hulda Clara Gestsdóttir (GKG) - Hafdís Alda Jóhannsdóttir (GK)

*Hulda Clara sigraði 4/3.