Vötnin fyrir norðan farin að gefa vel Karl Lúðvíksson skrifar 4. júní 2018 08:45 Vatnaveiðin er farin vel af stað. Mynd: Ríkarður Hjálmarsson Vatnaveiðin er komin í fullann gang og þær fréttir sem okkur berast þessa dagana eru góðar. Sem dæmi um vatn sem gleymist stundum er Vestmannsvatn en þar hefur verið fín veiði síðustu daga og silungurinn vel haldinn og vænn. Við höfum til dæmis fréttir af veiðimönnum sem voru þar fyrir tveimur dögum með 35 fiska á þremur tímum og annar veiðimaður sem stoppaði stutt í gærmorgun fékk 18 flotta fiska. Það eru fleiri vötn norðan heiða að gefa vel og sem dæmi má nefna Sléttuhlíðarvatn, Hópið og vötnin á Melrakkasléttu bara svo nokkur séu nefnd. Af öðrum vötnum hefur verið ágæt bleikjuveiði í Þingvallavatni fyrir landi Þjóðgarðsins en hún er dyntótt eins og flestir þekkja. Það er hægt að standa við vatnið tímunum saman án þess að verða var á meðan veiðimaður í næstu vík setur í 10 fiska á klukkutíma með sömu kunnáttu og veiðitækni. Það sem er vert að benda veiðimönnum sem eru að taka sín fyrstu skref við Þingvallavatn er að nota litlar flugur í stærðum 14-16# á löngum grönnum taum sem er kannski 5-8 punda, stangarlengd og draga löturhægt inn. Flugur sem alltaf gefa vel eru sem dæmi Peacock, Krókurinn, Alma Rún, Taylor, Langskeggur og Mobuto. Mest lesið Flott veiði og stórir fiskar í Baugstaðaós Veiði Meira af tölfræði í Eystri Rangá 2020 Veiði Ekkert að frétta úr Vífilsstaðavatni Veiði Blanda opnar með 15 löxum fyrsta daginn Veiði Miðfjarðará opnaði með 30 laxa holli Veiði Gæsirnar streyma enn inn á Gunnarsholti Veiði Kaldakvísl farin að gefa vænar bleikjur Veiði Fluga dagsins: Góð í urriðann Veiði Nær Hróarslækur sér á strik 2012 Veiði Ný síða um fluguhnýtingar Veiði
Vatnaveiðin er komin í fullann gang og þær fréttir sem okkur berast þessa dagana eru góðar. Sem dæmi um vatn sem gleymist stundum er Vestmannsvatn en þar hefur verið fín veiði síðustu daga og silungurinn vel haldinn og vænn. Við höfum til dæmis fréttir af veiðimönnum sem voru þar fyrir tveimur dögum með 35 fiska á þremur tímum og annar veiðimaður sem stoppaði stutt í gærmorgun fékk 18 flotta fiska. Það eru fleiri vötn norðan heiða að gefa vel og sem dæmi má nefna Sléttuhlíðarvatn, Hópið og vötnin á Melrakkasléttu bara svo nokkur séu nefnd. Af öðrum vötnum hefur verið ágæt bleikjuveiði í Þingvallavatni fyrir landi Þjóðgarðsins en hún er dyntótt eins og flestir þekkja. Það er hægt að standa við vatnið tímunum saman án þess að verða var á meðan veiðimaður í næstu vík setur í 10 fiska á klukkutíma með sömu kunnáttu og veiðitækni. Það sem er vert að benda veiðimönnum sem eru að taka sín fyrstu skref við Þingvallavatn er að nota litlar flugur í stærðum 14-16# á löngum grönnum taum sem er kannski 5-8 punda, stangarlengd og draga löturhægt inn. Flugur sem alltaf gefa vel eru sem dæmi Peacock, Krókurinn, Alma Rún, Taylor, Langskeggur og Mobuto.
Mest lesið Flott veiði og stórir fiskar í Baugstaðaós Veiði Meira af tölfræði í Eystri Rangá 2020 Veiði Ekkert að frétta úr Vífilsstaðavatni Veiði Blanda opnar með 15 löxum fyrsta daginn Veiði Miðfjarðará opnaði með 30 laxa holli Veiði Gæsirnar streyma enn inn á Gunnarsholti Veiði Kaldakvísl farin að gefa vænar bleikjur Veiði Fluga dagsins: Góð í urriðann Veiði Nær Hróarslækur sér á strik 2012 Veiði Ný síða um fluguhnýtingar Veiði