Keflavík sló Skagakonur úr Mjólkurbikarnum

Keflavík, ÍR og Fylkir eru komin í 16-liða úrslit Mjólkurbikars kvenna, en 32-liða úrslitunum lauk í dag með þremur leikjum.

Keflavík sigraði ÍA, 2-0, en leikurinn fór fram á Akranesvelli. Bæði liðin eru með fullt hús stiga eftir tvo leiki í Inkasso-deildinni og var því búist við hörkuleik.

Anita Lind Daníelsdóttir kom Keflavík yfir á 52. mínútu. Það var síðan Eva María Jónsdóttir sem skoraði sjálfsmark og kom Keflavík 2-0 yfir.

Fylkir sigraði Þrótt, 2-0 í Laugardalnum og ÍR vann góðan 3-1 sigur á Gróttu á heimavelli í Breiðholtinu.

Dregið verður í 16-liða úrslit Mjólkurbikarsins miðvikudaginn 23. maí.

Úrslit dagsins:

Þróttur R. - Fylkir  0-2

ÍR - Grótta  3-1

ÍA - Keflavík  0-2

Upplýsingar fengnar af Úrslit.net