Ólafía komst ekki í gegnum niðurskurð

Ólafía Þórunn Kristinsdóttir komst ekki í gegnum niðurskurð á Ana Inspirationl eftir að hafa leikið á sex höggum yfir pari á sínum öðrum hring í kvöld.



Ólafía lék á pari á fyrsta keppnisdegi í gær og fékk þar tvo erni, þar á meðal holu í höggi á þeirri sautjándu.

Í kvöld fékk Ólafía aðeins einn fugl, þrjá skolla og tvo tvöfalda skolla á meðan hún fékk par á öllum hinum holunum.

 

Ólafía hefur því lokið keppni á fyrsta stórmóti ársins. Þær Pernilla Lindberg og Sung Hyun Park eru efstar á mótinu á 12 höggum undir pari.