Innlent

Alvarlegt umferðarslys á Suðurlandsvegi við Kirkjubæjarklaustur

Margrét Helga Erlingsdóttir og Sylvía Rut Sigfúsdóttir skrifa
Boðaðar voru tvær þyrlur Landhelgisgæslu út til flutnings hinna slösuðu á sjúkrahús í Reykjavík.
Boðaðar voru tvær þyrlur Landhelgisgæslu út til flutnings hinna slösuðu á sjúkrahús í Reykjavík. Vísir/Jóhann K. Jóhannsson
Harður árekstur tveggja bifreiða varð á Suðurlandsvegi, við Iðjuvelli rétt austan við Kirkjubæjarklaustur um fjögurleytið í dag. Vegurinn er lokaður í báðar áttir og er engin hjáleið. Einn ökumaður var í öðrum bílnum en tveir aðilar í hinum. Allir þrír eru slasaðir samkvæmt heimildum fréttastofu.

Búið er að boða tvær þyrlur Landhelgisgæslu út til flutnings hinna slösuðu á sjúkrahús í Reykjavík. Eru þær nú á leið á vettvang. Ekki liggja fyrir upplýsingar um meiðsl þeirra en þeir eru allir með meðvitund samkvæmt upplýsingum frá lögreglunni á Suðurlandi. 

Vegurinn er lokaður og verður svo í einhvern tíma meðan viðbragðsaðilar athafna sig, bæði við björgun slasaðra og við rannsókn atvika.

Stutt er síðan annað alvarlegt umferðarslys var í Eldhrauni skammt vestan Kirkjubæjarklausturs en þar létust tveir farþegar rútu sem valt.

Uppfært klukkan 18:47

Allir þrír aðilarnir í slysinu eru nú komnir eða að koma til Reykjavíkur í einni og sömu þyrlu LHG. Vegurinn verður enn lokaður um stund á meðan rannsókn stendur yfir og ökutækin fjarlægð af veginum.

Fréttin hefur verið uppfærð.


Tengdar fréttir

Mest lesið


Fleiri fréttir

Sjá meira


×

Mest lesið