Kylie Jenner orðin mamma

Eitt stærsta leyndamál síðustu mánuða í heimi fræga fólksins hefur verið hvort raunveruleikastjarnan Kylie Jenner sé ólétt eða ekki. Nú hefur það loksins verið staðfest og það af henni sjálfri á Instagram.

Jenner opnaði sig loksins á samfélagsmiðlinum þar sem hún sagði frá því að hún eignaðist heilbrigða stúlku þann 1 febrúar síðastliðinn. Hún bað aðdáendur sína afsökunar á því að hafa ekki sagt frá þessu fyrr en að hana langaði að halda óléttunni fyrir sig. Meðal annars til að geta undirbúið sig fyrir þetta stærsta hlutverk í lífinu án alls stress og utanaðkomandi pressu. 

Vel skiljanlegt fyrir þessa 20 ára stúlku sem hefur alist upp í sviðsljósinu og deilt öllu lífi sínu með sjónvarpsáhorfendum og fylgjendum á samfélagsmiðlum. 

Hamingjuóskir hennar, Travis Scott barnsföður hennar og fjölskyldunnar!

Hér fyrir neðan má sjá myndband sem þau gerðu til að deila meðgöngunni og fæðingunni með áhugasömum - ansi krúttlegt. 

A post shared by Kylie (@kyliejenner) on Feb 4, 2018 at 12:27pm PST

thank you @wttyler for putting this together. here's a little glimpse of the last 9 months. the link is in my bio

A post shared by Kylie (@kyliejenner) on Feb 4, 2018 at 12:29pm PST