Tiger stökk upp um meira en 100 sæti á heimslistanum

Tiger Woods kláraði sitt fyrsta heila mót í tvö ár um nýliðna helgi og er byrjaður að klifra hratt upp heimslistann.

Hann eyddi mörgum árum á toppi heimslistans er hann var á toppi ferilsins. Þar sem hann hefur spilað lítið golf síðustu árin þá hefur hann eðlilega verið í frjálsu falli á heimslistanum.

Tiger var í 647. sæti fyrir helgina en er nú kominn upp í sæti 539. Hann fór því upp um 108 sæti en það er ansi langt í hóp þeirra besta. Eitt skref í einu hjá Tiger.

Kylfingurinn magnaði fór neðst í 1.199. sæti á listanum en fyrsta mótið í endurkomunni henti honum upp í 668. sætið.