Adam Sandler gagnrýndur fyrir að snerta lærið á Crown-leikkonunni Claire Foy

Leikarinn Adam Sandler hefur verið gagnrýndur fyrir að snerta leikkonuna Claire Foy á óviðeigandi hátt í breska spjallþættinum The Graham Norton Show. Áhorfendum þótti Foy „vandræðaleg“ er hún ýtti hönd Sandlers af læri sínu þar sem þau sátu í sófa í setti spjallþáttarins.

Þá virtist breska leikkonan Emma Thompson, sem einnig var gestur þáttarins, taka eftir snertingunni og setja upp vanþóknunarsvip.

Í yfirlýsingu frá talsmönnum Sandlers hefur síðan komið fram að leikarinn hafi einungis ætlað að sýna Foy vinarhót með snertingunni og að hann hafi sýnt af sér sambærilega hegðun í garð leikarans Dustin Hoffman í spjallþætti Jimmy Fallon fyrr í mánuðinum.

Twitter-notendur lýstu margir yfir óánægju með hegðun Sandlers eftir að þátturinn var sýndur en viðbrögð þeirra eru m.a. tekin saman í frétt breska dagblaðsins Telegraph.

Adam Sandler has no social awareness of how awkward he seemed to be making Emma Thompson and Claire Foy #stoptouching #GrahamNorton pic.twitter.com/fKNin1aAof

— Michelle Marsh (@michellelmarsh) October 28, 2017

Ohh Claire Foy was not up for being pet by Adam Sandler. Quite right too! #GrahamNorton

— Graham Thomson (@grahamt11) October 27, 2017

Claire Foy replacing Adam Sandler's hand onto his own knee rather than hers, was the perfect “haha dont touch me again” move #GrahamNorton

— Gwyneth Jane (@gwynethjane_) October 27, 2017

Klippu úr umræddum þætti The Graham Norton Show má svo sjá hér að neðan.