Tvö íslensk mörk í Svíþjóð

Guðmundur Þórarinsson skoraði annað marka Nörrköping í 0-2 sigri liðsins á Hammarby í sænsku úrvalsdeildinni í fótbolta í dag.

Jón Guðni Fjóluson var einnig í byrjunarliði Nörrköping en Alfons Samsted og Arnór Sigurðsson voru á bekknum.

Birkir Már Sævarsson og Arnór Smárason spiluðu allan leikinn fyrir Hammarby.

Haukur Heiðar Hauksson skoraði eitt marka AIK í 5-2 sigri gegn Elfsborg.

Mark Hauks kom á annari mínútu uppbótartíma fyrri hálfleiks eftir stoðsendingu Kristoffer Olsson.

Tryggvi Hrafn Haraldsson og Höskuldur Gunnlaugsson voru í byrjunarliði Halmstad sem beið lægri hlut 2-0 gegn Malmö á útivelli.

Tryggva var skipt af velli á 70. mínútu fyrir Kosuke Kinoshita.

Kristinn Steindórsson lék allan leikinn fyrir Sundsvall sem steinlá fyrir Djurgården á heimavelli 0-5.

Kristinn Sigurðsson var ónótaður varamaður í leiknum.

Hjörtur Logi Valgarðsson sat allan leikinn á tréverkinu þegar Örebrö sigraði Kalmar 1-0.