Stefnir í spennandi opnun í Langá á Mýrum

Langá á Mýrum er líklega síðustu Borgarfjarðaránna til að opna en veiði hefst í henni þann 20. júní og það stefnir í spennandi opnun.

Það sem gerir opnunina núna sérstaklega spennandi er að skoða fyrstu tölur úr laxateljaranum við fossinn Skugga en þessa dagana er það mikið vatn í ánni að langflestir laxarnir sem ganga í Langá fara stigann frekar er fossinn.  Teljarinn fór niður fyrir fáum dögum og þegar það var rýnt í hann í gær var hann kominn í 133 laxa á rétt þremur dögum sem er mun meira en von er á á þessum árstíma.  Það sem gerir þetta síðan ennþá meira spennandi er að skoða stærðirnar á löxunum sem eru gengnir en þar eru 70 tveggja ára laxar eða um helmingur göngunnar og svoleiðis hlutföll hafa hingað til verið fáheyrð í ánni.

Langá fær að öllu jöfnu sínar fyrstu almennilegu göngur á Jónsmessustraumnum en göngurnar í hana geta verið nokkuð jafnar og reglulegar alveg fram í lok júlí þegar það dregur aðeins úr þeim. Þetta sást vel t.d. sumarið 2015 þegar nokkur kraftur kom í göngurnar síðustu vikuna í júlí en það ár var eitt af bestu árum í Langá frá upphafi.  Langá opnar 20. júní og það verður fróðlegt að sjá hvernig veiðin verður á fyrstu vaktinni.  Þess má geta að það er einn lax þegar gengin í gegnum efri laxateljarann upp á Fjall við Sveðjufoss.