Íslenskt hugvit Frosti Logason skrifar 15. júní 2017 07:00 Nýtt þjóðaröryggisráð kom saman á öruggum stað í vikunni. Efni fundarins var svo eldfimt að nauðsynlegt þótti að halda hann í gömlu loftvarnarbyrgi bandaríska hersins á Keflavíkurflugvelli. Einhvern tíma hefði manni nú brugðið við slíkar fréttir en þetta er víst allt fullkomlega eðlilegt. „Varstu ekki búinn að heyra um hryðjuverkaárásirnar í London og Manchester? Þetta gæti allt eins gerst í Reykjavík,“ les maður í kommentakerfunum. Nú er talað um vopnaða löggæslu á öllum stærri mannamótum í sumar. Ha? Er það ekki full róttækt? Nei, almenningur hefur verið að venjast því að sjá sérsveitina æ oftar vopnaða á undanförnum árum. Þetta er bara rökrétt framhald segir ríkislögreglustjóri. Frábært. Get ég þá hætt að hafa áhyggjur af brjáluðum íslamistum á Þjóðhátíð eða Secret Solstice? Eru þið með einhverja áætlun? Já, eftir að hafa fengið sérstakt mat greiningardeildar um málið komust sérfræðingar að þessari niðurstöðu: Í stað þess að sérsveitin væri með vopn inni í lögreglubílunum skyldu sérsveitarmenn nú bera byssur á lærunum. Þannig verða menn tilbúnir í mjög skjót viðbrögð ef einhver hætta stafar að almenningi sem kemur saman í stórum stíl. Þá þarf lögreglan ekki að hörfa af vettvangi, leita að vopnum sínum og koma svo aftur í dalinn sem þá er kannski lokaður með mörg þúsund manns á svæðinu. Skammbyssur á lærunum til að auka viðbragðstímann! Af hverju datt okkur þetta ekki í hug fyrr? Þvílík snilld. Mér líður mun betur. Er búið að benda þeim hjá Scotland Yard á þetta? Þessir menn eru með allt á hreinu. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Frosti Logason Mest lesið Opnum Tröllaskagann Helgi Jóhannsson Skoðun Henti Íslandi undir strætisvagninn Hjörtur J. Guðmundsson Skoðun Forvarnateymi grunnskóla – góð hugmynd sem má ekki sofna Eydís Ásbjörnsdóttir Skoðun Lesskilningur eða lesblinda??? Jóhannes Jóhannesson Skoðun Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun Til þeirra sem fagna Doktornum! Kristján Freyr Halldórsson Skoðun Ávinningur af endurhæfingu – aukum lífsgæðin Ólafur H. Jóhannsson Skoðun Hringekja verðtryggingar og hárra vaxta Benedikt Gíslason Skoðun Áfram gakk – með kerfisgalla í bakpokanum Harpa Þorsteinsdóttir Skoðun Skuldin við úthverfin Jóhanna Dýrunn Jónsdóttir Skoðun
Nýtt þjóðaröryggisráð kom saman á öruggum stað í vikunni. Efni fundarins var svo eldfimt að nauðsynlegt þótti að halda hann í gömlu loftvarnarbyrgi bandaríska hersins á Keflavíkurflugvelli. Einhvern tíma hefði manni nú brugðið við slíkar fréttir en þetta er víst allt fullkomlega eðlilegt. „Varstu ekki búinn að heyra um hryðjuverkaárásirnar í London og Manchester? Þetta gæti allt eins gerst í Reykjavík,“ les maður í kommentakerfunum. Nú er talað um vopnaða löggæslu á öllum stærri mannamótum í sumar. Ha? Er það ekki full róttækt? Nei, almenningur hefur verið að venjast því að sjá sérsveitina æ oftar vopnaða á undanförnum árum. Þetta er bara rökrétt framhald segir ríkislögreglustjóri. Frábært. Get ég þá hætt að hafa áhyggjur af brjáluðum íslamistum á Þjóðhátíð eða Secret Solstice? Eru þið með einhverja áætlun? Já, eftir að hafa fengið sérstakt mat greiningardeildar um málið komust sérfræðingar að þessari niðurstöðu: Í stað þess að sérsveitin væri með vopn inni í lögreglubílunum skyldu sérsveitarmenn nú bera byssur á lærunum. Þannig verða menn tilbúnir í mjög skjót viðbrögð ef einhver hætta stafar að almenningi sem kemur saman í stórum stíl. Þá þarf lögreglan ekki að hörfa af vettvangi, leita að vopnum sínum og koma svo aftur í dalinn sem þá er kannski lokaður með mörg þúsund manns á svæðinu. Skammbyssur á lærunum til að auka viðbragðstímann! Af hverju datt okkur þetta ekki í hug fyrr? Þvílík snilld. Mér líður mun betur. Er búið að benda þeim hjá Scotland Yard á þetta? Þessir menn eru með allt á hreinu. Höfundur er pistlahöfundur Fréttablaðsins.
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun