Miles Teller handtekinn fyrir ölvun á almannafæri

Leikarinn Miles Teller var handtekinn fyrir ölvun á almannafæri á sunnudag. Lögregla í San Diego í Kaliforníu í Bandaríkjunum staðfestir handtökuna en Teller þvertekur sjálfur fyrir hana. CNN greinir frá.

Lögregla í San Diego segir Teller hafa verið mjög ölvaðan þegar lögregla hafði afskipti af honum snemma á sunnudagsmorgun. Teller brást ókvæða við og var í kjölfarið handtekinn fyrir ölvun á almannafæri. Hann er sagður hafa verið í haldi lögreglu í um fjóra klukkutíma.

Teller tjáði sig um atvikið á Twitter síðu sinni í dag. Hann segist ekki hafa verið handtekinn heldur aðeins hafa verið „í haldi“ lögreglu og að engin grundvöllur hafi verið fyrir því að ákæra hann fyrir glæp.

Went down to SD to see my buddy before he deployed. I wasn't arrested I was detained bc there was no evidence to charge me with a crime.

— Miles Teller (@Miles_Teller) June 19, 2017

Miles Teller, sem varð þrítugur á þessu ári, er þekktastur fyrir hlutverk sín í kvikmyndunum Whiplash, Divergent-þríleiknum og Fantastic Four.