Rikki Daða og Edda Hermanns nýjasta stjörnuparið

Ríkharður Daðason og Edda Hermannsdóttir eru nýjasta stjörnuparið á Íslandi í dag.

Frá þessu er greint á mbl.is. Þau hafa verið saman síðan í byrjun árs en Ríkharður Daðason var í mörg ár atvinnumaður í knattspyrnu og landsliðsmaður.

Hann skoraði til að mynda eitt frægasta mark í sögu landsliðsins, þegar Ísland gerði 1-1 jafntefli við Frakka á Laugardalsvellinum árið 1998.

Edda Hermannsdóttir vann lengi vel hjá RÚV við spurningaþáttinn Gettu Betur. Í dag starfar hún sem samskiptastjóri Íslandsbanka og hann er fjárfestir með hagfræðimenntun.