Kvöldfréttir Stöðvar 2: Blóð úr Birnu fannst á úlpu Thomasar Møller

Blóð úr Birnu Brjánsdóttur fannst á úlpu Thomasar Møller Olsen en hann er ákærður fyrir að hafa banað Birnu þann 14. janúar síðastliðinn. Lík Birnu fannst átta dögum síðar, þann 22. janúar, við Selvogsvita í Ölfusi. Thomas neitar sök í málinu.

Í gögnum sem fréttastofa hefur undir höndum kemur fram að við rannsókn lögreglu á úlpu Thomasar hafi fundist blóð úr Birnu auk þess sem rannsókn á öðrum fatnaði hans, sem hafði verið þveginn, sýndi að hann hafði komist í snertingu við töluvert magn af blóði.

Ítarlega verður fjallað um þau gögn sem þetta sýna og aðrar nýjar upplýsingar í málinu í fréttum Stöðvar 2 klukkan 18:30 í kvöld. Þær eru eins og ávallt í opinni dagskrá sem og í beinni útsendingu hér á Vísi.