Bendtner skoraði í fyrsta deildarleiknum

Nicklas Bendtner kom Rosenborg á bragðið gegn Odds Ballklubb í sínum fyrsta deildarleik fyrir félagið.

Bendtner kom til norsku meistaranna frá Nottingham Forest í vetur og Daninn fer vel af stað í búningi Rosenborg.

Bendtner kom Rosenborg yfir gegn Odd á 57. mínútu og tveimur mínútum síðar skoraði Sondre Lövseth Rossbach sjálfsmark og staðan orðin 2-0.

Það var svo Milan Jevtovic sem skoraði þriðja mark Rosenborg 20 mínútum fyrir leikslok og öruggur sigur Þrándheimsliðsins staðreynd.

Matthías Vilhjálmsson sat allan tímann á varamannabekknum hjá Rosenborg.