Fimmta tap Randers í röð

Lærisveinar Ólafs Kristjánssonar í Randers töpuðu sínum fimmta leik í röð í dönsku úrvalsdeildinni þegar þeir sóttu OB heim í kvöld. Lokatölur 3-0, OB í vil.

Eftir fína byrjun á tímabilinu hefur hallað undan fæti hjá Randers sem hefur aðeins skorað eitt mark í síðustu fjórum leikjum. Liðið er í 5. sæti deildarinnar með 32 stig.

Hannes Þór Halldórsson stóð í marki Randers sem hefur ekki haldið hreinu í síðustu sjö leikjum sínum.

Færeyingurinn Joan Simun Edmundsson kom Randers í 1-0 á 24. mínútu og þannig var staðan í hálfleik.

Rasmus Jönsson bætti svo tveimur mörkum við í seinni hálfleik og 3-0 sigur OB staðreynd.