Porsche Panamera Sport Turismo verður grænn

Porsche vinnur nú að útfærslu Sport Turismo útgáfu nýrrar kynslóðar stóra Panamera bílsins og verður hann enn stærri í þessari útfærslu með mikið rými fyrir aftursætisfarþega, sem og heilmikið skottrými. Sannarlega praktískur fjölskyldubíll, en með krafta í kögglum.

Búast má við því að hann fái 2,9 lítra V6 vélina, en auk þess öfluga rafmótora og samtals skilar þessi drifrás 462 hestöflum og 700 Nm togi. Framendi bílsins er svo til sá sami og í hefðbundnum Panamera, en afturendinn er heilmikið breyttur. Inndraganlegur loftkljúfur er á afturenda bílsins.

Sport Turismo mun vafalaust fást með fleiri drifrásum en þeirri sem að ofan er getið og líklega með allt sama úrvalið og í hefðbundnum Panamera. Mikil eftirspurn er eftir bílum eins og Sport Turismo í Bandaríkjunum, enda eru flestir bílar þar stórir.

En Porsche íhugar einnig að bjóða coupe-útgáfu bílsins sem og blæjuútgáfu og þá einnig vegna eftirspurnar eftir slíkum bílum í Bandaríkjunum. Porsche Panamera Sport Turismo mun bjóðast kaupendur fyrir enda þessa árs en eftir áramót vestanhafs.